22.01.2019
Viðtalsdagar eru í skólanum þriðjudag og miðvikudag í næstu viku eða 29. og 30. janúar. Búið er að opna fyrir skráningu á Mentor. Ef þið lendið í vandræðum með skráningar má hafa samband við ritara skólans. Frístund verður opin þessa daga frá kl. 08:00-16:15 fyrir börn sem þar eru skráð.
Lesa meira
04.01.2019
Nú á haustönn var unnið að svokölluðu ytra mati á okkar skóla. Það fólst í því meðal annars að matsaðilar frá Menntamálastofnun dvöldu hér í skólanum dagana 23. – 26. október og fóru í vettvangsskoðanir í kennslustundir hjá öllum nemendum. Einnig tóku þeir rýniviðtöl við ýmsa hópa; starfsmenn, foreldra, nemendur og fulltrúa úr skólaráði.
Á hverju ári eru nokkrir grunnskólar (og raunar leik- og framhaldsskólar líka) metnir með ytra mati og gert ráð fyrir að innan fárra ára hafi allir grunnskólar landsins farið í gegnum sambærilegt mat og þannig þróist þetta sem sjálfsagður og eðlilegur hluti skólastarfs. Þetta er samstarfsverkefni mennta- og menningarmálaráðuneytis og Sambands íslenskra sveitarfélaga en það er Menntamálastofnun sem sér um framkvæmdina. Hér fylgir tengill inn á skýrsluna með niðurstöðum matsaðila.
Lesa meira
21.12.2018
Í dag voru Litlu jólin haldin hér í Naustaskóla. Nemendur í 4. bekk sýndu helgileik og nemendur og starfsfólk dönsuðu í kringum jólatré í íþróttasalnum og Kertasníkir og Kjötkrókur komu í heimsókn.
Starfsfólk Naustaskóla óskar ykkur öllum gleðilegra jóla og farsældar á komandi ári. Við minnum á að skóli hefst aftur þann 4. janúar.
Hér eru nokkrar myndir frá deginum.
Lesa meira
18.12.2018
Á föstudaginn höldum við Litlu jól í Naustaskóla.
Allir nemendur í 1.-7. bekk mæta spariklæddir kl. 09:00 á sín heimasvæði og eiga sín stofujól.
Kl. 10:00 verður samkoma á sal þar sem nemendur í 4. bekk sýna helgileik.
Kl. 10:30-11:00 verður dansað í kringum jólatréð og aldrei að vita nema jólasveinar kíki í heimsókn.
Skóla lýkur kl. 11:00 og nemendur því komnir í jólafrí.
Lesa meira
10.12.2018
Á fimmtudaginn næstkomandi, þann 13. desember verður jólaþemadagur hjá okkur í skólanum og verður sannkölluð jólastemming í húsinu. Allir nemendur geta valið sér stöðvar sem verða um allt hús þar sem m.a. verður boðið upp á fjölbreytt jólaföndur, hreyfingu, leiki, útiveru og margt fleira. Það verður frjálst nesti hjá krökkunum en þó er sælgæti, snakk og gos ekki leyfilegt. Svo er að sjálfsögðu jólahúfu og jólapeysudagur!
Skóladegi lýkur kl. 13:10 hjá öllum nemendum en valgreinar hjá unglingadeild verða þó kenndar.
Lesa meira
07.12.2018
Í kvöld, föstudagskvöld stendur 10. bekkur fyrir árshátíðarballi í Naustaskóla. Ballið byrjar kl. 20:30 og stendur til kl. 23:30. Nemendur í 7. bekk fá að vera á ballinu til kl. 22:30. Aðgangseyrir er 1500 krónur og verður posi til staðar. Einnig verður sjoppa og krapvél á staðnum.
Lesa meira
30.11.2018
Kæru vinir og vandamenn!
Við í 10. bekk í Naustaskóla erum að halda bingó þann 4. desember næstkomandi.
Það verður frá 18:00 - 20:00.
Spjaldið verður á litlar 500kr.
Hrikalega flottir og veglegir vinningar í boði fyrir alla fjölskylduna!
Pylsur og drykkir verða til sölu í hléi.
Endilega láttu sjá þig!
Lesa meira
28.11.2018
Þar sem nú er spáð leiðindaveðri um land allt viljum við benda á verklagsreglur sviðstjóra fræðslusviðs vegna óveðurs eða ófærðar.
Lesa meira
Translate