Kennarateymi 1. bekkjar fékk tilnefningu fræðslu - og lýðheilsuráðs Akureyrarbæjar

Aníta, Stella, Berglind og Vala

Síðastliðinn fimmtudag fékk kennarateymi  1. bekkjar í Naustaskóla viðurkenningu frá Fræðslu – og lýðheilsuráði fyrir vikulegan útiskóla í Naustaborgum. Í útiskólanum saga nemendur sinn eigin eldivið, ferðast með hann upp í Naustaborgir, kveikja eld og grilla nestið sitt yfir opnum eldi. Lærdómstækifærin í útikennslu eru endalaus. Nemendur læra ógrynni af nýjum orðum tengd náttúrunni og nánasta umhverfi Akureyrar, þau læra að bera virðingu fyrir náttúrunni, týna rusl og taka það með aftur í skólann til að setja í viðeigandi tunnur. Ásamt því að öðlast góða þjálfun í  hugrekki og seiglu enda áskorun fyrir 6 ára börn að labba upp í Naustaborgir, grilla yfir opnum eldi og klifra í trjám.

Hér á myndinn er kennarateymi 1. bekkjar þær Aníta Hjaltadóttir, Berglind Hannesdóttir, Stella Bryndís Karlsdóttir og Vala Björt Harðardóttir.