Fréttir

Naustaskóli tekur þátt í verkefninu Göngum í skólann. Verkefnið hefst formlega 10.september og lýkur með alþjóðlega "Göngum í skólann deginum" miðvikudaginn 8. október. Markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.  Nemendur í skólanum verða beðnir um að merkja við hvernig þeir ferðast í skólann og einnig verðum við með svæðaskipan af hverfinu þannig að við sjáum hve langt hver og einn býr frá skólanum. Svæðin verða merkt í 4 liti; gulan, rauðan, grænan og bláan. Börnin merkja við á hvaða svæði þau búa og hvernig þau ferðast í skólann. Íþróttakennari mun síðan vinna úr þeim upplýsingum og setja fram til að allir geti séð. Einnig mun verða smá keppni á milli námshópa um hverjir séu duglegastir að labba í skólann. Síðasta daginn í þessu verkefni sem er 8.október verður tilkynnt um sigurvegara skólans í þessari keppni. Nánari upplýsingar um verkefnið Göngum í skólann má nálgast á vefslóðinni http://www.gongumiskolann.is

Dagana 8.-11. september, verða morgunfundir fyrir foreldra í 2.-10. bekk Þar er um að ræða kynningu fyrir foreldra á starfi barnanna í skólanum o.fl. auk þess sem tækifæri gefast til umræðna og fyrirspurna. Fundirnir verða kl. 8:10- 9:10 að morgni, nemendur mæta einnig á sama tíma og venjulega þessa daga nema nemendur í 8.-10. bekk sem fá að sofa örlítið lengur þann 11. sept. Fundirnir verða sem hér segir: 2.-3. bekkur þri. 9. september kl. 8:10 4.-5. bekkur mán. 8. september kl. 8:10 6.-7. bekkur mið. 10. september kl. 8:10 8.-10. bekkur fim. 11. september kl. 8:10 (nemendur í 8.-10. bekk mæti þann dag kl. 9:15) Mikilvægt er að fulltrúar frá öllum nemendum mæti á fundina!

Skólafærninámskeið fyrir foreldra nýnema í Naustaskóla verður haldið þriðjudaginn 2. september kl. 17:30-20:00.  Námskeið af þessu tagi eru haldin árlega fyrir foreldra nýnema en markmiðið með þeim er að fræða foreldra um skólann okkar og grunnskólakerfið almennt.  Dagskrá þess verður sem hér segir: Að byrja í grunnskóla - hvað þýðir það fyrir börnin okkar? Grunnskólakerfið á Íslandi - yfirlit og upplýsingar Naustaskóli / starfshættir / agastefna / kennsluaðferðir o.fl. Samskipti heimila og skóla / upplýsingamiðlun - mentorkerfið o.fl. Foreldrafélag / skólaráð / stoðþjónusta Ætlast er til að fulltrúar nemenda í 1. bekk mæti á námskeiðið en aðrir eru að sjálfsögðu einnig velkomnir. Boðið verður upp á barnagæslu meðan á námskeiði stendur og léttan málsverð fyrir þátttakendur og börn.

Fréttabréf septembermánaðar er nú komið út og má nálgast það hér...

Föstudagurinn 29. ágúst er útivistardagur hjá okkur í Naustaskóla.  Þá skiptast nemendur í hina ýmsu hópa og njóta útivistar í góða veðrinu.. Skóli hefst á sama tíma og venjulega, kl. 8:10 en nemendur koma til baka í skólann um kl. 11:30-13:00 eftir því hvaða hóp þeir velja sér, fá sér hádegismat og fara síðan heim eða í Frístund.   Hér má sjá yfirlit yfir viðfangsefni dagsins og hvernig hópar eru skipaðir.  Við minnum nemendur á að mæta vel klæddir og skóaðir! 

Skólasetning í Naustaskóla verður fimmtudaginn 21. ágúst.  Nemendur mæti á eftirfarandi tímum: kl. 10:00 2.-3.  og 6.-7. bekkur kl. 11:00 4.-5. og 8.-10. bekkur Nemendur í 1. bekk og forráðamenn mæta í viðtöl á skólasetningardaginn eða daginn eftir, tölvupóstur með upplýsingum varðandi viðtölin hjá 1. bekk hefur verið sendur út.   Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Hér má nálgast fyrsta fréttabréf skólaársins en þar er að finna nánari upplýsingar varðandi skólabyrjunina..

Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 4.-10. bekk. Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista. Vegna hagstæðra innkaupa getum við lækkað gjaldið frá fyrra ári og námsgagnagjald haustið 2014 er því kr. 3.600.- fyrir alla nemendur. Foreldrar eru beðnir um að greiða gjaldið inn á reikning 565-26-460110, kt. 460110-1140, fyrir 21. ágúst, vinsamlegast setjið nafn barns sem skýringu/tilvísun. Hér má finna innkaupalista fyrir 4.-10. bekk: - Innkaupalisti 4.-5. bekkjar - Innkaupalisti 6.-7. bekkjar - Innkaupalisti 8.-10. bekkjar