Fréttir

Nú má nálgast fréttabréf og matseðil febrúarmánaðar hér á heimasíðunni.  Smellið hér til að opna fréttabréfið..

Fimmtudaginn 5. febrúar 2015 er áætlað að nemendur Naustaskóla fari í Hlíðarfjall til að njóta samveru og útiveru ef veður leyfir. (Ef ekki viðrar verður gerð önnur tilraun þann 6. febrúar) Þeim nemendum sem ekki geta farið í fjallið af heilsufars- eða öðrum mjög brýnum ástæðum  verður boðið upp á afþreyingu í skólanum. Nemendur mæta eins og venjulega kl. 8:10 Farið verður frá skólanum sem hér segir:  4.-10. bekkur kl. 08:20   en  1.-3. bekkur kl. 09:00 Lagt verður af stað úr Hlíðarfjalli sem hér segir: 1. – 3. bekkur kl. 11:20  en   4.-10. bekkur kl. 12:00 Þegar komið er í skóla aftur verður matur samkvæmt venju en eftir það fara nemendur heim eða í Frístund, nema að kennsla verður í valgreinum í 8.-10. bekk.  Nemendur í 4.-10. bekk geta fengið lánaðan búnað endurgjaldslaust en nemendur í 1.-3. bekk geta því miður ekki fengið lánaðan búnað en er velkomið að hafa með sinn eigin búnað eða snjóþotur og sleða. Útbúnaður: Skíði, bretti, snjóþotur, þoturassar, svartir plastpokar og sleðar eru leyfðir til fararinnar. Hjálmar eru nauðsynlegir! (Bent er á að hægt er að nota reiðhjólahjálma) Mikilvægt er að nemendur séu vel klæddir og í vel merktum fatnaði. Ekki gleyma snjóbuxunum, vettlingunum eða húfunni. Nesti: nemendur komi sjálfir með hollt og gott nesti. Sjoppa er ekki opin.  Nemendur fá afhent lyftukort þegar þeir mæta á svæðið. Ef nemendur óska eftir að verða eftir í fjallinu þegar dagskrá lýkur þurfa foreldrar að hafa óskað eftir því við umsjónarkennara eða ritara skólans. Lyftukortin gilda allan daginn en skila þarf lánsbúnaði eða semja um leigu á honum.    Ekki er hægt að bjóða upp á skíðakennslu en við munum aðstoða nemendur eins og kostur er.   Útivistardagurinn er með öllu gjaldfrjáls fyrir nemendur. Starfsfólk Naustaskóla

Samtaka (Svæðisráð foreldra í grunnskólum Akureyrar) í samvinnu við SAFT og Heimili og skóla stendur fyrir fræðslufundi fyrir foreldra um notkun snjalltækja og hætturnar sem af þeim geta stafað.  Fundurinn verður haldinn í Hofi fimmtudaginn 29. janúar kl. 20:00 og er öllum opinn. Smellið hér til að sjá dagskrá fundarins..

Í samstarfi við mentor teljum við nú að við höfum komist fyrir vandamál í tölvupóstsendingum og eigum því von á að allir póstar séu farnir að berast frá skólanum, jafnt til g-mail notenda og annarra. Þó er rétt að minna g-mail notendur á að það kann að vera að póstar lendi í ruslpósti (junk-mail) og þá þarf að segja póstkerfinu að ekki sé um ruslpóst að ræða.    Ef einhverjir vakna upp við að þeir eru ekki að fá pósta frá skólanum, t.d. vikupósta umsjónarkennara sem að jafnaði eru sendir út á föstudögum, þá biðjum við viðkomandi um að gera okkur viðvart.

Enn virðist eitthvað vera um að g-mail notendur fái ekki póst sem sendur er frá skólanum í gegnum mentorkerfið. Unnið er að lausn málsins..

Um leið og við óskum ykkur gleðilegs árs og þökkum samstarfið á liðnu ári, vekjum við athygli á fyrsta fréttabréfi skólaársins, en það má nálgast hér..

Við óskum nemendum okkar og forráðamönnum gleðilegra jóla og þökkum fyrir samstarfið á árinu sem er að líða. Við minnum á að mánudagurinn 5. janúar er starfsdagur og þann dag er Frístund lokuð. Kennsla að loknu jólaleyfi hefst skv. stundaskrá þriðjudaginn 6. janúar. Jafnframt bendum við á að það er tilvalið að koma sér í jólaskapið með því að skoða þetta myndband sem gert var þemadögunum nú í desember.. Gleðileg jól!

Litlu jólin í Naustaskóla verða föstudaginn 19. desember. Að þeim loknum fara nemendur í jólafrí. Á litlu jólunum mæta allir nemendur kl. 8:30 og skóladeginum lýkur kl. 11:00.Frístund verður opin á litlujóladaginn kl. 7:45-16:15.

Upp á síðkastið virðist hafa borið á því að tölvpóstur frá skólanum, sem sendur er í gegnum mentorkerfið, hafi ekki komist til skila.  Líklega er þetta bundið við þá sem eru með gmail-netföng en þar virðist pósturinn flokkast sem ruslpóstur (junk) og þá þarf að gefa póstforritinu skipun um að hætta að flokka póst frá mentor sem rusl.. Ef aðrir en g-mail eru ekki að fá póst frá okkur þá endilega látið okkur vita..