14.03.2015
Miðvikudagurinn 11. mars var mikill keppnisdagur en þá fóru fram bæði Skólahreysti og lokahátíð Stóru upplestrarkeppninnar í
7. bekk. Naustaskóli átti að sjálfsögðu fulltrúa í báðum þessum keppnum, í Skólahreysti kepptu þau Bjarney
Sara, Crispin Tinni, Heiðar Örn og Una Kara en í upplestrinum voru þau Arnór Ísak og Íris okkar fulltrúar. Ekki náðum við
verðlaunum í hús í þetta skiptið en fulltrúar okkar í báðum keppnunum stóðu sig með mikilli prýði og voru
skólanum okkar til sóma. Takk fyrir það!
Lesa meira
13.03.2015
Við fengum stórskemmtilega heimsókn í vikunni frá þeim Láru Sóleyju Jóhannsdóttur fiðluleikara og Eyþóri Inga
Jónssyni organista en þau héldu fyrir okkur tónleika sem þau kalla "Fiðla og fótstigið". Þar er vísað til þess að
þau spiluðu á fiðlu annars vegar en fótstigið orgel (harmóníum) hins vegar. Flutt var tónlist eftir ýmsa meistara
tónlistarsögunnar auk íslenskra þjóðlaga og fengu þá nemendur líka að taka undir með söng.
Lesa meira
12.03.2015
Ákveðið hefur verið að breyta
fyrirkomulagi á miðstigsopnunum félagsmiðstöðvarinnar Tróju. Í stað þess að um sé að ræða eina opnun í
mánuði í hverjum skóla, mun framvegis vera opnun í Tróju í Rósenborg, alla fimmtudaga kl. 14:30-16:00. Nemendur í 7. bekk eru
ennfremur minntir á að opið er fyrir þá alla miðvikudaga kl. 14:30-16:00 í Tróju - Rósenborg.
Lesa meira
11.03.2015
Opnað hefur verið fyrir tilnefningar
til Foreldraverðlauna Heimila og skóla fyrir árið 2015. Skólafólk og foreldrar sem vita um metnaðarfullt foreldrastarf sem eflt hefur samstarf foreldra,
nemenda og skólafólks og stuðlað að jákvæðum samskiptum heimilis og skóla eru hvött til að láta vita af því. Hægt
er að tilnefna verkefni hér: http://www.heimiliogskoli.is/2015/03/foreldraverdlaun-heimilis-og-skola-2015/
Markmið Foreldraverðlauna Heimilis og skóla er að vekja athygli á því gróskumikla starfi sem fer fram innan leik-, grunn og
framhaldsskóla, og þeim mörgu verkefnum sem stuðla að öflugu og jákvæðu samstarfi heimila, skóla og samfélagsins.
Lesa meira
10.03.2015
Um daginn komu nokkrir góðir gestir í heimsókn í 10. bekk en þar var um að ræða fulltrúa frá Fjármálavit sem
er verkefni á vegum Samtaka fjármálafyrirtækja, en verkefnið miðar að því að auka fjármálalæsi
hjá ungu fólki. Verið er að kynna nýtt fræðsluefni og naut Naustaskóli þess heiðurs að vera einn af allra fyrstu skólunum sem
fengu þessa kynningu. Á vefslóðunum hér fyrir neðan má sjá annars vegar umfjöllun á N4 um málið og hins vegar
facebook-síðu verkefnisins þar sem er að finna umfjöllun og myndir frá heimsókninni til okkar.
http://www.n4.is/is/thaettir/file/fjarmalalaesi-unglingahttps://www.facebook.com/fjarmalavit
Lesa meira
01.03.2015
Nú er fréttabréf marsmánaðar komið
út og má nálgast það hér..
Lesa meira
28.02.2015
Hin árlega upplestrarkeppni 7. bekkjar var haldin á sal skólans þann 25. febrúar. Þar kepptu nemendur í upplestri og framsögn fyrir framan
dómnefnd sem hafði það vandasama hlutverk að velja tvo fulltrúa skólans, og einn til vara, til að keppa á lokahátíð Stóru
upplestrarkeppninnar á Akureyri, sem haldin verður þann 11. mars nk. í sal Menntaskólans. Nemendur stóðu sig að venju afskaplega vel en að
lokum urðu það þau Íris Orradóttir og Arnór Ísak Haddsson sem urðu fyrir valinu sem fulltrúar okkar, en Sigurður Bogi Ólafsson er
varamaður. Við erum stolt af þessum glæsilegu fulltrúum okkar, óskum þeim til hamingju með árangurinn og góðs gengis í
keppninni framundan.
Lesa meira
17.02.2015
Nú stendur yfir innritun í grunnskóla
fyrir næsta vetur og er umsóknarfrestur til 27. febrúar nk.
Upplýsingar hafa verið sendar til foreldra barna sem fædd eru árið 2009 (verðandi 1. bekkjar) en rétt er að vekja athygli á því að
ef foreldrar óska eftir að skipta um skóla fyrir börn sín þarf að sækja um í nýjum skóla fyrir þennan tíma. Vegna
skipulagningar skólanna fyrir næsta skólaár er mjög mikilvægt að innritunum ljúki tímanlega. Skólarnir hafa opin hús
á mánudag og þriðjudag í næstu viku þar sem kostur gefst á að skoða og kynna sér starfið.
Opið hús í Naustaskóla verður mánudaginn 23. febrúar kl. 9-11
Af gefnu tilefni skal tekið fram að ekki þarf að innrita nemendur aftur í sama skóla og þeir ganga í nú þegar, aðeins ef óskað
er eftir að þeir skipti um skóla. Innritunarreglur, tímasetningar kynninga/opinna
húsa, eyðublöð og rafrænt form fyrir umsóknir um grunnskóla má nálgast hér..
Lesa meira
13.02.2015
Fastur liður í starfi 1. bekkjar ár hvert er að halda hina svokölluðu "hundraðdagahátíð" en þá fagna nemendur þeim
áfanga að hafa verið í hundrað daga í grunnskóla. Í leiðinni er síðan unnið með tugakerfið og talið upp í
hundrað með ýmsu góðgæti sem börnin gæða sér á :) Smellið hér til að sjá nokkrar myndir frá deginum..
Lesa meira
05.02.2015
Útivistardeginum í Hlíðarfjalli er frestað um óákveðinn tíma vegna hvassviðris, reynt verður að finna dag í mars fyrir
skíðaferðina okkar.
Það verður því venjulegur skóladagur föstudaginn 6. febrúar.
Lesa meira
Translate