Fréttir

Foreldrafélagið hefur nú skipt foreldrahópnum í hverjum árgangi í þrjá hópa, síðan er gert ráð fyrir að hver hópur sjái um eina uppákomu eða bekkjarkvöld í vetur.  Skipulagið miðast við að fyrsti viðburður sé í október-nóvember, næsti viðburður sé í janúar-febrúar og loks einn viðburður í mars-apríl.  Smellið hér til að skoða hópaskipanina og hér til að fá nánari upplýsingar um skipulag foreldrastarfsins...

Fræðsluerindi um einelti, forvarnir og úrvinnslu eineltismála verður haldið fimmtudaginn 11. október í Félagsheimili KFUM og KFUK Sunnuhlíð 12 kl. 16.30 – 18.00. Fyrirlesari er Kolbrún Baldursdóttir sálfræðingur og höfundur EKKI MEIR.  EKKI MEIR er nýútkomin bók sem er leiðarvísir í aðgerðum gegn einelti fyrir starfsfólk skóla, íþrótta- og æskulýðsfélög, foreldra og börn.  Allir eru velkomnir á fyrirlesturinn!

Það er ekki um að villast, það er kominn október, og af því tilefni er að sjálfsögðu komið út nýtt fréttabréf..  Smellið hér til að opna fréttabréfið.

Endurgreiðsla vegna tannlækninga barna undir 18 ára var aukin umtalsvert 1. júlí sl. og gildir hækkunin til ársloka 2012.  Endurgreiðsla nú er að meðaltali 62% en verður aftur 42% eftir áramót. Foreldrar eru því hvattir til að panta tíma fyrir börn sín í tanneftirlit og meðferð hið fyrsta til að nýta hærri endurgreiðslu á meðan hún varir. Athugið að tannlækningum  er einungis sinnt á einkastofum tannlækna. Tannlæknar ákveða sjálfir verð á meðferð á sinni stofu. Ef gjaldskrá tannlæknis er hærri en gjaldskrá Sjúkratrygginga  Íslands þá greiðir einstaklingur mismuninn.

Miðvikudagurinn 26. september og fimmtudagurinn 27. september eru viðtalsdagar í Naustaskóla. Þá mæta nemendur og foreldrar/forráðamenn í 2.-10. bekk til viðtals við umsjónarkennara.  Þar sem afar skammt er liðið frá viðtölum við nemendur 1. bekkjar eru þeir ekki boðaðir en foreldrar geta óskað eftir viðtölum og eru þá beðnir um að hafa samband við umsjónarkennara.  Viðtalstíma má nálgast hér...  Frístund er opin á miðvikudag og fimmtudag kl. 7:45-16:15 fyrir þá nemendur í 1.-4. bekk sem þar eru skráðir að jafnaði, ekki þarf að skrá vistunartíma sérstaklega fyrirfram nema ef um er að ræða börn sem ekki nýta þjónustu Frístundar að öllu jöfnu. Við minnum svo á að föstudagurinn 28. september er starfsdagur og þann dag er Frístund lokuð. 

Aðalfundur Foreldrafélags Naustaskóla verður haldinn þriðjudaginn 25. september kl. 20:00-22:00. Að minnsta kosti einn fulltrúi frá hverju heimili þarf að mæta á fundinn!  Fyrir fundinn, klukkan 19:00-20:00 verður opið hús þar sem foreldrar geta skoðað skólann og fengið sér molakaffi.  Kl. 20:00 hefst svo aðalfundurinn.  Á dagskrá verða hefðbundin aðalfundarstörf, ásamt kjöri fulltrúa í skólaráð, áætlað er að þeirri dagskrá verði lokið um 20:40.  Að því loknu býður Foreldrafélagið og Naustaskóli þeim foreldrum sem vilja sitja áfram uppá fræðslufyrirlestur um sjálfsstyrkingaraðferð er kallast Baujan. Til þess að kynna þetta fáum við hana Guðbjörgu Thoroddsen sem er höfundur þessarar aðferðar til okkar, hún hefur haldið fjölda námskeiða og fyrirlestra um þetta efni á höfuðborgarsvæðinu en þessi aðferð er notuð í mörgum skólum þar. Ef þið viljið kynna ykkur þetta frekar bendum við á vefslóðina: www.baujan.is Naustaskóli leggur áherslu á þátttöku og áhrif foreldra, nýtum tækifærið og tökum þátt í að skapa gott og gagnlegt foreldrasamstarf.