Fréttir

Mánudaginn 21. maí ætlum við að bjóða tilvonandi nemendum 1. bekkjar ásamt forráðamönnum þeirra í heimsókn til að hitta verðandi kennara og kynna sér skólann.  Öllum forráðamönnum innritaðra barna í árgangi 2006 ætti nú að hafa borist svohljóðandi tölvupóstur:

Þessar vikurnar erum við svo heppin að hafa hjá okkur danskan kennara til aðstoðar við dönskukennsluna í 7.-9. bekk.  Mette Lybæk hefur verið kennari í Danmörku í 10 ár. Þar kennir hún við grunnskóla í hjarta Kaupmannahafnar en hún hefur verið á Akureyri í vetur og kennt dönsku ásamt dönskukennurum hvers skóla. Þessar vikurnar eru hún semsagt við störf við Naustaskóla og hún verður með okkur fram í miðjan maí. Heimsókn hennar hingað er liður í samstarfi Menntamálaráðuneyta Íslands og Danmerkur um dönskukennslu íslenskra grunnskólabarna.  Í kennslunni er sérstök áhersla lögð á hið talaða mál. Óhætt er að fullyrða að bæði dönskukennarinn og nemendur Naustaskóla njóta góðs af innleggi Mette í starfið. Með því að smella hér má sjá bréf frá Mette þar sem hún gerir grein fyrir sjálfri sér og vistinni í Naustaskóla og á Akureyri.

Fréttabréf skólans fyrir maímánuð má nú nálgast hér..

Skólanefnd hefur frá árinu 2010 veitt einstaklingum og/eða stofnunum sem skarað hafa fram úr í skólastarfi viðurkenningar. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Viðurkenning er einnig staðfesting á að viðkomandi skóli/kennari/nemandi er fyrirmynd annarra á því sviði sem viðurkenning nær til. Nú er komið að því að leita eftir tilnefningum. Allir sem áhuga hafa geta tilnefnt. Frestur til að skila inn tilnefningum er er til 3.maí 2012.  Hægt er að smella hér til að fá nánari upplýsingar og/eða skila inn tilnefningum.

Foreldraverðlaun Heimilis og skóla – landssamtaka foreldra, verða afhent í 17. sinn við athöfn í  Þjóðmenningarhúsinu miðvikudaginn 16. maí næstkomandi.   Óskað er eftir tilnefningum til Foreldraverðlauna 2012 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu á skólastarfi og jákvæðu samstarfi heimila og skóla.  Með afhendingu verðlaunanna er vakin eftirtekt á því fjölbreytta starfi sem fer fram í skólum landsins.   Fólk er hvatt til að líta eftir og tilnefna verðug verkefni í sínu nærumhverfi.  Tilnefningar sendist á rafrænan hátt með því að fylla út eyðublað á heimasíðu Heimilis og skóla www.heimiliogskoli.is. Síðasti skiladagur tilnefninga er 1. maí 2012.  Nánari upplýsingar um Foreldraverðlaunin er að finna á heimasíðu samtakanna www.heimiliogskoli.is. Einnig eru veittar upplýsingar á skrifstofu samtakanna í síma 516 0100.

Þriðjudaginn 17. apríl kl. 19:30 mun Guðjón Hauksson halda erindi í Naustaskóla um tölvunotkun og hvað ber að hafa í huga í þeim efnum.  Mælst er til þess að nemendur í 8.-9. bekk og foreldrar þeirra mæti á fundinn en foreldrar yngri barna eru einnig hvattir til að mæta.  Smellið hér til að sjá auglýsingu varðandi þetta..

Á fundi hjá stjórn Fasteigna Akureyrar föstudaginn 13. apríl var eftirfarandi bókað varðandi Naustaskóla: "Áframhald á umræðum um að flýta framkvæmdum við miðjurými skólans og lagt fram minnisblað dags. 2. mars 2012 frá Gunnari Gíslasyni fræðslustjóra Akureyrarbæjar og Ágústi Jakobssyni skólastjóra Naustaskóla með rökstuðningi málsins.  Stjórn Fasteigna Akureyrarbæjar samþykkir að ganga til samninga við SS Byggi ehf um lúkningu á miðjurými skólans á grundvelli fyrirliggjandi einingarverða." Þetta þýðir að við megum eiga von á að hafa bæði matsal og samkomusal í skólanum okkar í haust.  Það eru miklar gleðifréttir fyrir okkur og mun gjörbreyta allri nýtingu á öðrum hlutum hússins og hafa í för með sér mikið hagræði fyrir nemendur og starfsfólk.  Frábærar fréttir!