Fréttir

Naustaskóli kom við sögu í síðasta þætti af Landanum í Ríkissjónvarpinu.  Þar var skólaþróun til umfjöllunar og var af því tilefni leitað til Miðstöðvar skólaþróunar við Háskólann á Akureyri og til Naustaskóla með efnistök og viðmælendur.  Sjá má þennan þátt af Landanum með því að smella hér...

Nemendur í 7. bekk hafa í vetur unnið að því hörðum höndum að æfa sig í upplestri og framsögn.  Hápunktur þessarar vinnu var þegar haldin var Upplestrarkeppni 7. bekkjar þar sem nemendur fluttu texta og ljóð fyrir framan dómnefnd og áhorfendur.  Krakkarnir stóðu sig auðvitað öll frábærlega en það voru þau Ugla, Elvar og Enóla sem þóttu skara fram úr að þessu sinni.  Þau hljóta því þann heiður að verða fulltrúar Naustaskóla í Stóru upplestrarkeppninni á Akureyri sem fram fer þann 7. mars nk.  Smellið hér til að sjá nokkrar myndir frá keppninni..

Það er töluvert teflt í Frístund og um daginn settu krakkarnir og starfsfólkið á fót stórskemmtilegt skákmót þar sem margir efnilegir skákmenn reyndu með sér.  Að lokum fór svo að hann Baldur í 3. bekk fagnaði sigri og hlaut hann titilinn "Skákmeistari Frístundar 2011-2012".  Í næstu sætum voru svo þeir Almar og Daníel. Á myndinni hér til hliðar má sjá þá félagana en til að sjá örlítið fleiri myndir má smella hér.

Krakkaskak.is er nýr vefur fyrir börn og unglinga sem vilja kynnast skáklistinni og vilja mennta sig í henni. Þar kennir ýmissa grasa fyrir utan skák eins og til dæmis litabók með taflmönnum. Þá eru teiknimyndakeppnir, kennslumyndbönd í skák og fleira skemmtilegt. Einnig er hægt að skrá sig í krakkaskáklið og tefla við önnur börn í rauntíma.  Vefurinn er alveg frír og er rekinn áfram á styrkjum og frjálsum framlögum. Þeir sem standa að kennslunni eru Siguringi Sigurjónsson og Henrik Danielsen stórmeistari í skák. Á vefnum verða haldin skákmót og eins eru alltaf teiknimyndakeppnir í hverjum mánuði sem fyrir eru veitt góð verðlaun. Smellið hér til að skoða vefinn..

Fullt af nýjum myndum eru komnar á heimasíðuna hjá okkur. Myndir af huguðum drengjum að borða þorramat, myndir frá hæfileikakeppninni Naustaskóli "got talent" sem var haldin 2. febrúar og myndir frá deginum í dag sem er tileinkaður stærðfræðinni og voru ýmsar þrautir í boði dagsins. Myndasíða Naustaskóla