Fréttir

Aðalfundur hverfisnefndar Naustahverfis verður haldinn fimmtudaginn 29. september kl. 20:00 í Naustaskóla (2. hæð) Dagskrá: •   Skýrsla stjórnar •   Kosning stjórnar •   Fyrirspurnir •   Önnur mál,  s.s. framtíðar íþróttasvæði í hverfinu Gestir:      •    Fulltrúi íþróttaráðs      •    Fulltrúi KA, Gunnar Jónsson framkvæmdastjóri      •    Fulltrúi skipulagsnefndar, Pétur Bolli Jóhannesson skipulagsstjóri            – Kaffiveitingar – Hvetjum alla íbúa Naustahverfis til að mæta!                                                                      Hverfisnefnd Naustahverfis

Dagana 28. og 29. september eru viðtalsdagar hjá okkur, þar sem nemendur, foreldrar og umsjónarkennarar fara sameiginlega yfir stöðu mála og leggja á ráðin um framtíðina.  Við höfum úthlutað ákveðnum viðtalstímum og þá má nálgast með því að smella hér.  Frístund er opin á viðtalsdögunum fyrir nemendur í 1.-4. bekk.  Þeir nemendur sem skráðir eru í Frístund að öllu jöfn geta mætt þar án sérstakrar skráningar en foreldrar annarra nemenda í þessum bekkjum sem hafa áhuga á að nýta Frístundina eru beðnir um að hafa samband við Hrafnhildi forstöðumann Frístundar í síma 4604111 eða netfangi hrafnhildurst@akmennt.is.   Svo minnum við á að föstudagurinn 30. september er starfsdagur og þann dag er Frístund lokuð. 

Nú höfum við tekið saman smá bækling með leiðbeiningum fyrir forráðamenn varðandi notkun á mentor og hvernig nálgast má þær upplýsingar sem þar er að finna s.s. varðandi námsmat nemenda.  Smellið hér til að skoða leiðbeiningarnar..

Miðvikudaginn 7. september kl. 10.00 verður Göngum í skólann sett í Síðuskóla á Akureyri en þetta er í fimmta skipti sem Ísland tekur þátt í þessu alþjóðlega verkefni. Verkefnið hófst í Bretlandi árið 2000 og hefur þátttaka stöðugt farið vaxandi. Hér á landi stefnir í  metþátttöku. Á alþjóðavísu er Göngum í skólann mánuðurinn í október og Alþjóðlegi Göngum í skólann dagurinn er 6. október. Göngum í skólann  verkefnið fer fram hér á Íslandi í septembermánuði og því lýkur á Alþjóðlega Göngum í skólann deginum þann 5. október.   Við hvetjum að sjálfsögðu alla okkar nemendur til að ganga eða hjóla í skólann, það er umhverfisvænt og eflir heilsuna! 

PMT foreldrafærninámskeið  (Parent Management Training) hefst þann 4. október nk. Um er að ræða námskeið sem stendur yfir í átta vikur. Meginmarkmið námskeiðsins er að kenna raunprófaðar og hagnýtar uppeldisaðferðir sem stuðla að jákvæðri hegðun barns og draga úr hegðunarvanda. Kostnaður er kr. 5.000 sem greiðist við skráningu en námskeiðið fékk styrk frá Félagsmálaráðuneytinu til að efla stuðnings- og nærþjónustu við börn með ADHD greiningu. Leiðbeinendur eru PMT meðferðaraðilar, Guðrún Kristófersdóttir sálfræðingur og Þuríður Sigurðardóttir félagsráðgjafi. Sótt er um á tilvísaneyðublöðum skólateymis Fjölskyldudeildar. Nánari upplýsingar gefur Þuríður á Skóladeild Akureyrarbæjar í síma 460-1417 eða í tölvupósti: thuridur@akureyri.is

Í vikunni 5.-9. september höldum við morgunfundi fyrir foreldra nemenda í 2.-9. bekk og skólafærninámskeið fyrir foreldra 1. bekkinga.  Tímasetningar þessara viðburða eru sem hér segir: 1. bekkur - skólafærninámskeið miðvikudaginn 7. september kl. 17:30-20:00 2.-3. bekkur - morgunfundur miðvikudaginn 7. september kl. 8:10-9:10 4.-5. bekkur - morgunfundur föstudaginn 9. september kl. 8:10-9:10 6.-7. bekkur - morgunfundur þriðjudaginn 6. september kl. 8:10-9:10 8.-9. bekkur - morgunfundur mánudaginn 5. september kl. 8:10-9:10 Þessir atburðir eru liður í nauðsynlegri upplýsingagjöf til foreldra og væntum við þess að fulltrúar allra nemenda mæti. Nánari upplýsingar um fundina er að finna í septemberfréttabréfinu.

Fréttabréf septembermánaðar er komið út.  Smellið hér til að opna fréttabréfið..

Starfsáætlun Naustaskóla fyrir starfsárið 2011-2012 er komin út.  Starfsáætlun er gefin út árlega og er henni ætlað að gefa upplýsingar um skólann, áherslur og markmið með skólastarfinu, skipulag og helstu verkefni skólaársins, fyrirkomulag kennslu, venjur og siði í skólanum o.fl. Smellið hér til að opna starfsáætlunina...