Fréttir

Í dag var kosið nýtt nemendaráð fyrir skólann. Eftir stutta og snarpa kosningabaráttu var haldinn kjörfundur þar sem nokkrir frambjóðendur kynntu sig og svo var gengið til kosninga.  Niðurstaðan varð sú að eftirtaldir skipa nemendaráð Naustaskóla veturinn 2011-2012:  Pétur Már Guðmundsson 9. bekk - formaður Hrannar Þór Rósarsson 9. bekk Brynjar Helgason 8. bekk Ugla Snorradóttir 7. bekk Freyr Jónsson 6. bekk Guðný Birta Pálsdóttir 5. bekk Íris Orradóttir 4. bekk

Stundatöflurnar eru komnar á heimasíðuna og má nálgast þær hér...Svo er bara að byrja að læra af fullum krafti!!

Fyrsta fréttabréf skólaársins er komið út og má nálgast það hér.

Skólasetning í Naustaskóla verður mánudaginn 22. ágúst.  Nemendur mæti á eftirfarandi tímum: kl. 10:00 2.-3. bekkurkl. 10:30 4.-5. bekkur kl. 11:00 6.-7. bekkur kl. 11:30 8.-9. bekkurNemendur í 1. bekk og forráðamenn verða boðaðir í viðtöl á skólasetningardaginn, tölvupóstur með viðtalstímum verður sendur út þriðjudaginn 16. ágúst.   Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum. Kennsla hefst skv. stundaskrá þriðjudaginn 23. ágúst. Gleðilegt nýtt skólaár!

Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 4.-9. bekk. Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista.  Námsgagnagjald haustið 2011 er kr. 3.600 fyrir 1.-3. bekk en kr. 4.000 fyrir 4.-9. bekk.  Foreldrar eru beðnir um að greiða gjaldið inn á reikning 0159-15-200070, kt. 070372-5099, fyrir 22. ágúst, vinsamlegast setjið nafn barns sem skýringu/tilvísun.   Hér má finna innkaupalista fyrir 4.-9. bekk:   - Innkaupalisti 4.-5. bekkjar  - Innkaupalisti 6.-7. bekkjar  - Innkaupalisti 8.-9. bekkjar

Skrifstofa Naustaskóla verður lokuð frá 20. júní til 2. ágúst í sumar. Ef á þarf að halda er hægt að hafa samband við skólastjóra með netfanginu agust@akureyri.is eða í síma 847-8812.  Skólasetning verður 22. ágúst.  Foreldrar nýnema munu fá tölvupóst um miðjan ágúst með boðun í viðtal á skólasetningardaginn. Gert er ráð fyrir að skólinn annist innkaup námsgagna fyrir nemendur nema hvað varðar ritföng fyrir nemendur í 4.-9. bekk.  Upplýsingar varðandi þetta verða birtar hér á heimasíðunni í byrjun ágúst.  Hafið það gott í sumar og við hlökkum til að sjá ykkur í haust! 

Ársskýrsla skólans fyrir skólaárið 2010-2011 er nú komin á vefinn.  Í henni má finna helstu upplýsingar um fyrsta starfsár skólans en auk þess inniheldur hún gróft mat á því hvernig til tókst og nokkrar tillögur um hvernig gera má enn betur í framtíðinni.  Smellið hér til að opna ársskýrsluna..

Það var sannkallað táp og fjör hjá okkur síðustu daga skólaársins og báru þeir því nafn með réttu.  Þessa daga unnu nemendur í aldursblönduðum hópum og fóru milli stöðva þar sem afar fjölbreytt verkefni voru í boði, t.d. handanudd, veggjamálun, söngur, víðsjárskoðun, púsl, limbó, smíðar og fleira og fleira.  Síðasti skóladagurinn var hins vegar hópeflisdagur þar sem námshópar kvöddust og nýir mynduðust, 1. bekkur flutti til 2. bekkjar, 3. bekkur flutti upp á 2. hæðina þar sem 4. bekkur tók á móti þeim, 5. bekkur flutti til 6. bekkjar og 7. bekkur til 8. bekkjar.  Svo enduðum við í grillveislu í Kjarnaskógi.  Hér má sjá nokkrar myndir frá "táp- og fjördögunum".

Nú á dögunum lögðum við stutta viðhorfakönnun fyrir nemendur í 4.-8. bekk þar sem spurt var um ýmsa þætti sem varða skólastarfið.  Niðurstöður könnunarinnar má sjá hér..