Fréttir

Kæru starfsmenn og foreldrar/forráðamenn. Í ljósi nýjustu frétta af samkomubanni þá biðjum við alla í skólasamfélaginu að halda ró sinni. Við stjórnendur í Naustaskól munum vinna í samráði við fræðsluyfirvöld varðandi skólastarf næstu vikurnar. Við munum láta ykkur vita um helgina hvernig skólastarfi verður háttað eftir helgi. Starfsfólk skólans og foreldrar/forráðamenn munu fá tölvupóst um helgina og einnig verða settar upplýsingar á heimasíðu og facebook síðu skólans. Með von um gott samstarf, Kveðja skólastjórnendur Naustaskóla

Hér fyrir neðan má sjá bréf til foreldra og forráðamanna með mikilvægum upplýsingum frá almannavörnum:

Eins og staðan er í dag þá lítur út fyrir að til verkfalls komi hjá starfsfólki sem tilheyrir stéttarfélaginu Kili á mánudag og þriðjudag. Hjá okkur í Naustaskóla eru það ritari, tölvuumsjónarmaður og bókasafnsvörður sem fara í verkfall. Þetta mun að sjálfsögðu orsaka þjónustuskerðingu í skólanum þessa daga þar sem einungis skólastjóri má ganga í störfin. Af þessum sökum mun verða erfiðara að ná í skólann í gegnum síma þessa tvo daga og biðjum við foreldra og forráðamenn að skrá veikindi í gegnum Mentor. Einnig mun sund falla niður á mánudag og þriðjudag þar sem starfsfólk sundlaugarinnar fer einnig í verfall þessa tvo daga. Íþróttakennarar munu kenna börnunum í Naustaskóla í staðinn. Með von um skilning á þeim óþægindum sem þetta hefur í för með sér. Skólastjórnendur Naustaskóla.

Þar sem búið er að staðfesta COVID-19 smit á Íslandi viljum við benda á viðbragðsáætlun Naustaskóla við heimsfaraldri en hana má einnig finna á heimasíðu skólans undir Naustaskóli> Stuðningur – heilsugæsla. Þar sem þessar fréttir geta valdi ótta og kvíða hjá börnum viljum við minna á að ræða þessi mál af yfirvegun við þau. Við munum halda okkar striki og reiknum með óbreyttu skólahaldi nema að yfirvöld mælist til um annað. https://www.visir.is/g/20207859d/svona-a-ad-bera-sig-ad-thegar-raett-er-vid-born-um-koronu-veiruna Hægt er að fylgjast með gangi mála á vef Almannavarna https://www.almannavarnir.is/ og landlæknis https://www.landlaeknir.is/koronaveira/ Bryndís Björnsdóttir skólastjóri Naustaskóla v/Hólmatún s: 4604101 gsm. 8653700

Í vetrarfríinu, miðvikudag, fimmtudag og föstudag, verður Frístund opin frá klukkan 13:00 - 16:15 alla dagana fyrir börn sem þar eru skráð. Njótið samveru í fríinu og sjáumst hress mánudaginn 2. mars.

Við minnum á að í dag, þriðjudaginn 25. febrúar er búningaball fyrir 1. - 4. bekk í Naustaskóla kl. 16:00 - 17:20. Ballið er fjáröflun fyrir 10. bekk, sem er að fara í skólaferðalag í maí. Nemendur mega endilega að mæta í búningum. Aðgangseyrir er 500 krónur og innifalið í verðinu er popp og svali. Það verður Draugahús, Spámaður, limbókeppni og fleira skemmtilegt í boði fyrir krakkana. Þetta verður fjör :)