Fréttir

Kæru foreldrar .... við minnum á aðalfund foreldrafélagsins sem haldinn verður á morgun, miðvikudaginn (18. sept) kl 20:00 - 21:00 :) Mikilvægt að öll börn eigi fulltrúa á fundinum... Enn er óskað eftir framboði til formanns félagsins og mikilvægt er að einhver bjóði sig fram í það skemmtilega hlutverk! Einnig vantar fulltrúa frá 10. bekk :) Endilega sendið tölvupóst á husfreyjan@gmail.com ef ykkur langar að starfa í stjórn félagsins... hlökkum til að heyra í ykkur og sjá ykkur á fundinum kkv, stjórnin

Síðastliðinn vetur var Naustaskóli þátttakandi í þróunarverkefni ásamt Dalvíkurskóla og Þelamerkurskóla. Verkefnið ber nafnið Gerum gott betra. Síðasti hluti verkefnisins er að miðla til annarra lærdómnum og reynslunni af verkefninu. Það verður gert með málþingi 9. október sem haldið verður í Hofi frá kl 13-17. Hér má sjá auglýsingu um viðburðinn og hvernig hægt er að skrá sig á málþingið.

Við minnum á starfsdaginn á morgun, enginn skóli hjá börnunum. Frístund er opin fyrir hádegi eða frá kl. 08:00 - 12:00 fyrir þau börn sem þar eru skráð.

Kæru foreldrar, Nú er komið að því að halda árlegan aðalfund foreldrafélags skólans. Hann verður haldinn miðvikudaginn 18. september kl. 20:00 – 21:00 í sal skólans og verður bæði byrjað og stoppað á réttum tíma. Efni fundarins verða almenn aðalfundarstörf og kynning á samstarfi foreldrafélagsins og stjórnenda skólans fyrir veturinn. Foreldrafélagið er vettvangur foreldra til að kynnast og taka virkan þátt í menntun og starfi barna sinna og mikilvægt að foreldrar séu virkir í því starfi svo að það takist sem best Mikilvægt er að einn fulltrúi frá hverju heimili mæti á aðalfundinn og hlökkum við til að sjá ykkur sem flest, Kaffi og með því á fundinum … og við hættum á slaginu 21:00

Skóli hefst á sama tíma og venjulega, nemendur mæta kl. 8:10 á sín heimasvæði, þeim verður svo skipt í hópa og brottfarir eru uppúr kl. 8:30. Allir nemendur þurfa að vera klæddir eftir veðri og vel skóaðir til útiveru! · Það er frjálst nesti þennan dag en þeir sem eru í ávaxtaáskrift geta gripið sér ávöxt í nesti áður en lagt er af stað. · Þeir sem fara upp að Hömrum og vilja sulla þurfa að koma með aukaföt!! · Gönguferðir eru gönguferðir - þar er ætlast til að nemendur gangi en hjóli ekki. · Þeir sem ganga á Hlíðarfjall þurfa sérstaklega að huga að útbúnaði og nesti! · Foreldrar eru að sjálfsögðu velkomnir með í allar ferðir. · Skóladegi hjá 1.-3. bekk lýkur kl. 13:00. Skóladegi hjá 4.-10. bekk lýkur að loknum hádegisverði eftir heimkomu, þó ekki fyrr en 12:30.

Vegna veðurspár hefur verið ákveðið að fresta útivistardegi fram á þriðjudaginn 3. september.

Staðfesting á skráning í Frístund skólaárið 2019-2020 fer fram fimmtudaginn 15. ágúst milli kl. 10:00 og 15:00. Allir foreldrar barna í 1.- 4. bekk sem eru með börn sín skráð og ætla að nýta þjónustu Frístundar fyrir börn sín næsta skólaár þurfa að staðfesta skráninguna. Nýskráning í Frístund þarf að staðfesta með undirskrift dvalarsamnings. Þeir sem áður hafa undirritaðan samning þurfa að staðfesta dvalartíma. Þeir sem ekki komast þennan dag hafi samband við skólann til að ákveða tíma. Forstöðumaður Frístundar verður við 15. ágúst og tekur við staðfestingum. Sími Frístundar er 460-4111 netfang: hrafnhildurst@akmennt.is. Sími Naustaskóla 460-4100 netfang: naustaskoli@akureyri.is

Fimmtudaginn 22. ágúst - skólasetningardag, er boðið upp á gæslu fyrir 1. bekk allan daginn en eftir skólasetningu fyrir nemendur í 2. - 3. bekk, fyrir þá sem þess óska. Á föstudaginn 23. ágúst er einnig boðið upp á gæslu fyrir 1. bekk fyrir hádegi frá kl. 8:00 – 13:00 - eftir hádegi opnar Frístund fyrir þá sem hafa skráð börn sín í gæslu þar.