Fréttir

Valgreinabækling fyrir skólaárið 2019-2020 má sjá hér. Einnig má finna hann hér á síðunni undir linknum Nemendur - Valgreinar.

Skipulagspunktar varðandi árshátíðarviku Sælir kæru foreldrar Hér að neðan eru nokkrir punktar varðandi skipulagið vegna ársháíðarinnar í næstu viku. Vonandi gefur þetta ágæta mynd af vikunni og því sem framundan er.

Við minnum á starfsdaginn á morgun, föstudaginn 29. mars og því er enginn skóli hjá nemendum. Frístund er opin fyrir þá nemendur sem þar eru skráðir frá kl. 08:00 - 16:15.

Er einhver í þínum skóla sem á skilið að fá Viðurkenningu fræðsluráðs! Frá árinu 2010 hefur fræðsluráð veitt þeim sem skarað hafa fram úr í skólastarfi viðurkenningar við hátíðlega athöfn. Viðurkenningarnar eru í tveimur flokkum, þ.e. nemendur og skólar/starfsfólk. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Tilnefna má nýbreytniverkefni um hvaðeina í skólastarfi sem unnið hefur verið að á yfirstandandi skólaári, nemendavinnu, vinnu hópa eða einstaklinga, upplýsingamiðlun (s.s. heimasíður og fréttabréf), stefnumótun og skipulag, starf eins kennara eða samvinnu þeirra, verkefni í almennri kennslu, sérgreinum eða sérkennslu, framlag starfsfólks skólans, forvarnarstarf, félagsstarf, foreldrasamstarf o.s.frv. Allir sem þekkja til skólasamfélagsins geta tilnefnt. Tilnefningar þurfa að berast fyrir lok föstudagsins 12. apríl nk. Til að tilnefna, þá ferð þú á eftirfarandi slóð: https://www.akureyri.is/is/thjonusta/menntun/vidurkenning-skolanefndar en þar er einnig að finna frekari upplýsingar um viðburðinn.