02.09.2016
Vikuna 5. – 9. september bjóðum við foreldrum á morgunfundi með kennurum. Fundirnir eru frá kl. 8:10 – 9:10. Þar er um að ræða kynningu fyrir foreldra á starfi barna þeirra í skólanum o.fl. auk þess sem tækifæri gefst til umræðna og fyrirspurna. Hér fyrir neðan má sjá skipulag morgunfundanna.
Mánudaginn 5. september – 8.-10. bekkur kl. 8:10 – 9:10
• Nemendur mæta í skólann kl. 9:10
Þriðjudaginn 6. september 6. – 7. bekkur kl. 8:10 – 9:10
• Nemendur mæta kl. 9:10
Miðvikudagurinn 7. september 4. – 5. bekkur kl. 8:10 – 9:10
Nemendur mæta samkvæmt stundarskrá.
Fimmtudagurinn 8. september 2. -3. bekkur kl. 8:10 – 9:10
Nemendur mæta samkvæmt stundarskrá.
Lesa meira
01.09.2016
Í gær fór 6. bekkur ásamt kennurum í vettvangsferð á sjó í bátnum Húna II. Hollvinir Húna II standa fyrir ferðum fyrir alla 6. bekkinga á Akureyri í samstarfi við skóladeild Akureyrarbæjar og Háskólann á Akureyri. Hér má sjá myndir úr ferðinni...
Lesa meira
31.08.2016
Fimmtudaginn 1. september bjóða ADHD samtökin, Einhverfusamtökin og Sjónarhóll-ráðgjafarmiðstöð, félagsmönnum sínum á Norðurlandi upp á opinn fyrirlestur. Í fyrirlestrinum fer Aðalheiður Sigurðardóttir, stofnandi Ég er unik verkefnisins, yfir hennar lærdómsríka ferðalag sem mamma barns á einhverfu rófi. Sjá nánar auglýsingu..
Lesa meira
26.08.2016
Í gær var útivistardagur í Naustaskóla sem tókst með prýði þrátt fyrir þokuna sem læðist inn fjörðinn okkar þessa dagana. Nemendur völdu sér stöðvar og dreifðust m.a. upp í Hlíðarfjall, Fálkafell, veiddu á Torfunesbryggjunni, sulluðu í tjörninni á Hömrum, hjóluðu Eyjafjarðarhringinn og á Þórsvelli voru settar upp leikjastöðvar. Hér má sjá myndir af vel heppnuðum degi.
https://goo.gl/photos/jqsFp5rV9ksvaFTH6
Lesa meira
11.08.2016
Skólasetning verður mánudaginn 22. ágúst. Nemendur mæti á eftirfarandi tímum: Kl. 10:00 nemendur í 2.-5. bekk og kl. 11:00 nemendur í 6.-10. bekk. Nemendur í 1. bekk og forráðamenn mæta í viðtöl á skólasetningardaginn eða þriðjudaginn 23. ágúst, tölvupóstur með upplýsingum varðandi viðtölin hjá 1. bekk verður sendur út á næstu dögum. Kennsla hjá 2.-10. bekk hefst skv. stundaskrá þriðjudaginn 23. ágúst en hjá 1. bekk hefst kennsla miðvikudaginn 24. ágúst. Á skólasetningunni hitta nemendur umsjónarkennara, fá stundaskrá og fræðast um starfið í vetur. Foreldrar eru velkomnir og við mælumst sérstaklega til þess að foreldrar nýrra nemenda í skólanum fylgi sínum börnum.
Lesa meira
02.08.2016
Fer fram 15. ágúst milli kl. 10:00 - 15:00
Allir foreldrar barna í 1.- 4. bekk sem eru með börn sín skráð og ætla að nýta þjónustu Frístundar fyrir börn sín næsta skólaár - staðfesti skráninguna.
Nýskráning í Frístund þarf að staðfesta með undirskrift dvalarsamnings. Þeir sem ekki komast þennan dag hafi samband við skólann til að ákveða tíma.
Forstöðumaður Frístundar eða ritari verða við 15. ágúst og taka við staðfestingum
Sími Frístundar er 460-4111 netfang hrafnhildurst@akmennt.is
Sími Naustaskóla 460-4100
Lesa meira
14.07.2016
Skólinn annast innkaup á námsgögnum fyrir nemendur og innheimtir gjald fyrir það, en foreldrar þurfa að versla lítillega fyrir nemendur í 4.-10. bekk. Ef einhver óskar eftir að annast öll innkaup sjálfur þarf viðkomandi að hafa samband við skólann og fá ítarlegri lista. Námsgagnagjald ársins er kr. 3.200.- fyrir alla nemendur. Foreldrar eru beðnir um að greiða gjaldið inn á reikning 565-26-460110, kt. 460110-1140, fyrir 22. ágúst. Vinsamlegast setjið nafn barns sem skýringu/tilvísun. (Allir nemendur þurfa svo að sjálfsögðu að eiga íþrótta- og sundfatnað og frá og með 4. bekk er gert ráð fyrir að nemendur séu í skóm í inniíþróttum.)
Smellið á fyrirsögnina til að nálgast innkaupalista fyrir 4.-10. bekk!
Lesa meira
08.06.2016
Fréttatilkynning á heimasíðu skóladeildar
Nýr skólastjóri Naustaskóla
Ráðið hefur verið í stöðu skólastjóra við Naustaskóla en fræðslustjóri gerði að tillögu sinni að Bryndís Björnsdóttir, starfandi deildarstjóri, yrði ráðin sem skólastjóri.
Bryndís var valin úr hæfum hópi umsækjenda en alls bárust fimm umsóknir um stöðu skólastjóra í Naustaskóla. Við mat á hæfni umsækjenda var skráðu ráðningarferli fylgt, tekin voru viðtöl við þrjá umsækjendur, leitað umsagna og formlegt og ítarlegt mat fór fram. Formaður skólanefndar sat viðtölin og var tillaga fræðslustjóra borin upp við skólanefnd sem samþykkti valið.
Bryndís Björnsdóttir er menntaður þroskaþjálfi, með BA.-próf í sérkennslufræðum og M.Ed.-próf í menntunarfræðum. Bryndís hefur langa starfsreynslu, bæði sem kennari og stjórnandi og hefur starfað sem deildarstjóri og staðgengill skólastjóra í Naustaskóla frá upphafi. Bryndís mun formlega taka við starfi skólastjóra Naustaskóla 1. ágúst næstkomandi.
Við óskum Bryndísi innilega til hamingju með stöðuna og óskum henni jafnframt velfarnaðar í spennandi og krefjandi starfi í framsæknum skóla sem er í stöðugri þróun.
Kærleikskveðja,
Soffía Vagnsdóttir
Fræðslustjóri Akureyrar
netfang: soffiav@akureyri.is
Lesa meira
08.06.2016
Mánudaginn 6. júní var Naustaskóla slitið. Um morguninn komu yngri nemendur og fengu vitnisburð sinn afhentan og seinnipart dags útskrifuðust 31 nemandi úr 10. bekk við hátíðlega athöfn. Eftir athöfn buðu 9. bekkingar og foreldrar þeirra upp á kaffi og meðlæti. Við athöfnina var Ágúst skólastjóri kvaddur og honum þakkað hans framlag við stofnun og mótun Naustaskóla eins og hann er í dag. Hans verður saknað úr skólasamfélagi Naustaskóla og óskum við honum velfarnaðar á nýjum slóðum.
Lesa meira
Translate