Velkomin á heimasíđu Naustaskóla

Heimasíða Naustaskóla á Akureyri

Velkomin(n) á heimasíðu Naustaskóla á Akureyri
Naustaskóli við Hólmatún, sími 460 4100, netfang; naustaskoli@akureyri.is


Nýjustu fréttir

Vika 43 - forvarnarverkefni


Vika 43, forvarnaverkefni Samstarfsráðs um forvarnir, hófst mánudaginn 20. október.  Í vikunni er kastljósi beint að ýmsu er varðar félagsstarf meðal barna og ungmenna, lífsstíl og sjálfsmynd og vakin athygli á því góða starfi með ungu fólki sem lítur að forvörnum í nærsamfélaginu.
Alla daga vikunnar verður vakin athygli á virkri þátttöku barna og ungmenna í hvers kyns íþrótta-, félags- og tómstundastarfi.
Á umliðnum árum hefur þátttaka í skipulögðu félagsstarfi stóraukist með öflugum félagasamtökum og bættri aðstöðu, er það ótvírætt grunnurinn í þeim góða árangri sem náðst hefur í forvörnum.   Með eflingu félagasamtaka og félagsstarfs sem stendur börnum og foreldrum þeirra til boða hefur það einnig gerst að úrræðin hafa færst nær þátttakendum og heimilum þeirra og þannig fært fólkinu í heimabyggð meiri ábyrgð og hlutdeild í forvarnastarfi.  Árangurinn er eftir því svo góður að eftir er tekið innanlands og utan.Nánari upplýsingar um verkefnið má nálgast á heimasíðu Viku 43 www.vika43.is 


Allir lesa!

Naustaskóli er að sjálfsögðu með í keppninni Allir lesa og af því um er að ræða keppni á annað borð þá stefnum við að sjálfsögðu á sigur!  Nú er um að gera að allir sem vettlingi (eða lesefni) geta valdið, hvort sem þar er um að ræða nemendur, starfsfólk eða foreldra, fari inn á síðuna www.allirlesa.is, skrái sig í lið Naustaskóla og hefjist svo handa við að lesa og skrá... koma svo!!

2.-3. bekkur í íţróttatíma


Síðasta mánudag fengu krakkarnir í 2-3.bekk gestakennara í íþróttum og fengu að kynnast Zumba kids. Gestakennarinn er mamma einnar úr 2.bekk og heitir Þórunn Kristín. Hún fór með hvern hóp í nokkra dansa, leyfði þeim að fara í dans battle og fleira skemmtilegt. Þau skemmtu sér konunglega og gaman að sjá þau prufa eitthvað nýtt. 

Hér eru nokkrar myndir frá íþróttatímanum

Keppni í lestri !

Nú er aldeilis um að gera að herða sig í lestrinum því að það eru komnar í gang tvær lestrarkeppnir..

Annars vegar er þar um að ræða lestrarátak Ævars vísindamanns en það miðast við nemendur í 1.-7. bekk.  Það átak felst í því að þátttakendur lesa og kvitta fyrir hverja lesna bók á sérstakan miða sem skilað er á skólabókasafn eða til ritara skólans þegar þrjár bækur hafa verið skráðar.  Í febrúar verða svo dregin út fimm nöfn úr öllum innsendum miðum og vinningshafar verða gerðir að persónum í nýjustu bók Ævars vísindamanns!  Nánari upplýsingar um þessa keppni má nálgast á vefnum www.visindamadur.com

Hins vegar er það lestrakeppnin Allir lesa, en þar geta hópar skráð sig til leiks og keppst við að lesa sem mest, en keppnin stendur frá 17. október til 16. nóvember.  Frestur til að skrá sig er til 16. október og nánari upplýsingar er að finna á vefnum www.allirlesa.is


Stjörnuskođun

Nú þegar dimmt er orðið á kvöldin er alveg upplagt að kíkja aðeins til himins í myrkrinu og skoða stjörnurnar, það er bæði fróðlegt og skemmtilegt..  Þá er nauðsynlegt að hafa kort til hliðsjónar til að glöggva sig á hvað stjörnurnar heita o.fl.  Með því að smella á tenglana hér á eftir má nálgast kort fyrir stjörnuhiminn októbermánaðar og er hægt að velja um kort til útprentunar eða til að skoða á síma eða spjaldtölvu.  Við minnum svo á Stjörnufræðivefinn, www.stjornufraedi.is en þar má jafnan finna stjörnukort og ýmsan skemmtilegan fróðleik.
Smellið hér til að opna stjörnukort til útprentunar.
Smellið hér til að opna stjörnukort til að skoða í snjalltæki. 


Vísindasirkus frá Noregi

Ágúst skólastjóri var fenginn upp á sviđ til ađ prufa eina tilraun
Á miðvikudaginn kom norskur vísindasirkus í heimsókn. Þeir félagar Magne og Ivar sýndu nemendum margar flottar og skemmtilegar tilraunir sem voru töfrum líkastar. Börnin voru mjög spennt og supu stundum hveljur, svo spennandi var þetta allt saman. Eftir sýninguna fengu nemendur í 4.-7. bekk að prófa að gera nokkrar tilraunir eins og að búa til bíla úr pappa, plaströrum og plasthringjum, eldflaugar og fleira skemmtilegt. Hér er hægt að sjá myndir frá þessum skemmtilega viðburði.


Auglýsingar

Hverfisnefnd
Naustatjörn
Heimili og skóli

Innskráning







Teljari

Í dag: 1
Samtals: 89575

Framsetning efnis

moya - Útgáfa 1.12 2007 - Stefna ehf

Skrá inn