- Í námi
- Í starfi
- Í leik
- Í ákvörðunum
- Til góðra verka
Naustaskóli
-
-
Umhyggja og virðing
MeiraÍ skólanum eiga samskipti að byggjast á virðingu, umhyggju og jafnrétti. Við þurfum sífellt að æfa okkur í að koma vel fram, auka sjálfsöryggi og hæfni til samskipta. Við styðjumst í þeim efnum m.a. við uppeldisstefnuna Jákvæðan aga.
-
Athvarf
Við viljum að öllum líði vel í skólanum, að námsumhverfið sé aðlaðandi og hvetjandi þannig að vellíðan, starfsgleði og árangur haldist í hendur. Skólinn er hannaður með sveigjanleika að leiðarljósi og námssvæðin eru opin og björt. Skólinn á að vera athvarf á þann hátt að hann sé góður og öruggur staður auk þess að vera miðpunktur skólahverfisins.
-
Samvinna
Í Naustaskóla leggjum við mikið upp úr samvinnu í námi og starfi því að enginn er eyland og við getum lært svo mikið hvort af öðru. Við hjálpumst því að, vinnum saman, leitum ráða og tökum ákvarðanir í sameiningu. Allir aðilar skólasamfélagsins eiga að geta látið rödd sína heyrast og haft áhrif, stórir sem smáir!
-
Námsaðlögun
MeiraÍ Naustaskóla vitum við að allir eru einstakir. Við erum öll ólík og því þarf að beita mismunandi leiðum til að koma til móts við þarfir hvers og eins. Við leitumst þess vegna við að laga námið að ólíkum þörfum nemenda, það köllum við námsaðlögun.
-
Táp og fjör
MeiraÍ Naustaskóla vitum við að skólinn er stór hluti af lífinu og það er mikilvægt að njóta lífsins. Við leitumst því við að hafa gleðina í fyrirrúmi, syngja saman, hreyfa okkur og leika saman.
Tilkynningar
Fréttir
-
Gleðileg jól! - myndir
20.12.2024Litlu jólin voru haldin í dag hjá 1.-7. bekk sem hófust á sal skólans þar sem 4. bekkur sýndi fallegan helgileik. Síðan fóru allir inn í jólaskreyttan íþróttasalinn þar sem dansað var kringum jólatré við undirleik Bobbu okkar. Við fengum þrjá skemmtilega jólasveina í heimsókn sem tóku hressilega undir í söng og dansi. Börnin fóru síðan inn á sín svæði og áttu notalega stund með sínum kennurum áður en þau fóru heim í langþráð jólafrí. Unglingadeildin hélt sín Litlu jól í gærkvöldi. Hér má sjá myndir frá jólaþema og viðburðum í desember. Að lokum óskum við ykkur öllum gleðilegra jóla og farsældar á komandi ári. Minnum á að árið hefst á starfsdegi 3. janúar og þá er frístund lokuð. Skóli hefst svo samkvæmt stundarskrá mánudaginn 6. janúar. -
Hurðarskreytingarsamkeppni
16.12.2024Í ár var ákveðið að skreyta hurðar skólans fyrir jólin og var gaman að sjá mismunandi skemmtilegar skreytingar. Dómnefnd valdi glæsilegustu hurðirnar eftir erfitt mat og varð niðurstaðan þessi: 1. sæti 4.-5. bekkur 2. sæti 8.-10. bekkur 3. sæti 6.-7. bekkur fyrir frumlegustu hurðina. Hér má sjá myndir af þessum glæsilegu hurðum þar sem mikill metnaður var lagður í verkin! -
Gjöf á bókasafnið
12.12.2024Þessar bækur bárust bókasafni skólans frá foreldrafélagi Naustaskóla -
Opin vika fyrir foreldra 11.-15. nóvember
13.11.2024Vikuna 11.- 15. nóvember er opin vika fyrir foreldra og hvetjum við ykkur til að kíkja við í skólanum sem það geta og fylgjast með börnum ykkar í leik og starfi. -
Nemendadagurinn - myndir
01.11.2024Í dag var hinn árlegi nemendadagur haldinn þar sem hefðbundið skólastarf er brotið upp. Settar voru upp hinar og þessar stöðvar þar sem farið var í leiki, íþróttamót var haldið í salnum þar sem starfsmenn kepptu við unglinga í fótbolta, körfubolta og blaki. Hart var barist og ekkert gefið eftir og hafði starfsfóllk betur á endanum í öllum greinum. Síðan fór að þessu sinni fram hæfileikakeppni starfsmanna sem sýndu atriði á sviði og dómnefnd skipuð nemendum valdi bestu atriðin. Íþrótta og verkgreinateymi bar sigur úr býtum þetta árið. Hér má sjá nokkrar myndir frá þessum skemmtilega degi. -
Fréttabréf unglingadeildar
01.11.2024https://www.canva.com/design/DAGU9QbmodQ/KWExTXYbyj14ko6JgcaXOw/view?utm_content=DAGU9QbmodQ&utm_campaign=designshare&utm_medium=link&utm_source=editor -
Þemadagar - myndband nemenda
31.10.2024Hér er linkur frá þemadögum, afurður nemenda í 7.-10. bekk sem völdu Miðlun & sköpun sem viðfangsefni: https://www.canva.com/design/DAGVJENpbP8/LDuIulul-WlalZKiER1v9A/watch?utm_content=DAGVJENpbP8&utm_campaign=designshare&utm_medium=link&utm_source=editor -
Hrekkjavaka, á morgun, fimmtudaginn 31. október - ball
30.10.2024Á morgun er hrekkjavökudagur í skólanum öllum og hvetjum alla til að koma í búningum í skólann. 10. bekkur stendur fyrir böllum fyrir yngri nemendur sem fjálöflun fyrir þau. Klukkan 16:00-17:15 verður ball fyrir 1.-3. bekk og er aðgangseyrir er 1000 kr., innifalið í verðinu er popp og svali Klukkan 17:15-18:30 verður ball fyrir 4.-7. bekk, aðgangseyrir eru 1000 kr. og sjoppa verður á staðnum þar sem popp, svali og sælgæti verður til sölu Draugahús verður á staðnum og spákona, farðið verður í leiki og DJ sér um tónlist og fjör.
Translate