Glæsilegur árangur í spurningakeppni

Fulltrúar okkar í spurningakeppni grunnskólanna á Norðurlandi, þau Kristófer, Odda og Pétur, stóðu sig frábærlega, komust alla leið í úrslit í keppninni og urðu í öðru sæti!  Í riðlakeppninni unnu þau lið bæði Brekkuskóla og Hrafnagilsskóla, í undanúrslitum lögðu þau lið Síðuskóla en í sjálfri úrslitaviðureigninni töpuðu þau fyrir Dalvíkingum.  Sannarlega glæsilegur árangur hjá krökkunum sem eru náttúrulega öll í 9. bekk.