Nemendadagurinn

Föstudaginn 25. nóvember verður "nemendadagurinn" haldinn hátíðlegur hjá okkur í Naustaskóla, við prufuðum þessa nýbreytni í fyrra og nú er nemendadagurinn orðinn að árlegum viðburði hjá okkur!  Þetta þýðir að þennan dag stýrir nemendaráð skólastarfinu í eldri bekkjum skólans og er þá starfið eins og nemendur vilja hafa það auk þess sem þeir nýta tækifærið og leyfa starfsfólki að "bragða á eigin meðölum"..  Dagskrá nemendadagsins þetta árið verður sem hér segir:

8:10 – Nemendur mæta í heimakróka, fulltrúar í nemendaráði á hverjum stað gera nafnakall og flytja morgunhugvekju :)

8:20 – Mæting á sal.  Nemendaráð stjórnar dagskrá.  Haldinn verður bekkjarfundur starfsmanna (Brynjar stjórnar), síðan verður hæfileikakeppni starfsmanna (Guðný Birta og Ugla stjórna, verðlaun veitt fyrir besta atriðið), spurningakeppni starfsmanna (Pétur,  Hrannar  og Brynjar stjórna).  Að því búnu farið út á völl þar sem 8 manna úrvalslið starfsmanna keppir í knattspyrnu við úrvalslið nemenda.  Þrekæfingar og suicide (Pétur og Freyr stjórna).

ca. 9:30-9:55  Nemendur inni í frímínútum en kennarar úti.  (Venjuleg útigæsla breytist í innigæslu) Sjoppan opin (9. bekkur afgreiðir), nemendaráð fær kaffistofuna til einkaafnota á þessum tíma. 

10:00-11:45  "Frjáls skóli" í boði nemendaráðs. Bíósýningar í austurenda skólans fyrir þá sem vilja.. aðrir spila eða hafa það huggulegt að eigin vali..  En það er bannað að læra !!!

11:45-12:15  Matur

12:15-13:15  Kennslustundir skv. stundaskrá en nemendur annast kennsluna (nemendur í hverjum hóp og kennarateymi undirbúa) !!

Á nemendadaginn mega nemendur hafa með sér snakk að eigin vali og gosdrykkir eru leyfðir og "eitt lítið nammi".   Mælst er til þess að starfsmenn klæði sig "barna- eða unglingalega".