"Nemendadagurinn" heppnaðist vel

Föstudagurinn 28. janúar var með óhefðbundnu sniði hjá okkur en þá var svokallaður "nemendadagur".  Fulltrúar í nemendaráði skólans höfðu áður skipulagt daginn en hann fólst í því að nemendaráðið tók við stjórn efri hæðar skólans og stýrði skólastarfinu hjá 4.-8. bekk fyrir hádegi.  Var ýmislegt brallað og fengu starfsmenn m.a. að "kenna á eigin meðölum" og þurftu að þola útivist, gæðahring (bekkjarfund), danskennslu, íþróttakennslu og að taka þátt í hæfileikakeppni.  Nokkrar myndir eru komnar inn á vefinn þar sem má meðal annars sjá gæðahringinn, danskennsluna og hæfileikakeppnina - smellið hér.  Þetta var stórskemmtilegur dagur og er líklega kominn til að vera sem árlegur viðburður í Naustaskóla..