Útivistardagur

Miðvikudaginn 23. mars 2011 er áætlað að allur skólinn fari í Hlíðarfjall til að njóta samveru og útiveru. Þeim nemendum sem ekki geta farið í fjallið af einhverjum ástæðum  verður boðið upp á afþreyingu í skólanum. Nemendur mæta eins og venjulega kl. 8:10 Farið verður frá skólanum sem hér segir: 4.-8 bekkur kl. 08:20   en  1.-3. bekkur kl. 09:00 Lagt verður af stað úr Hlíðarfjalli sem hér segir:1. – 3. bekkur kl. 11:20  en   4.-8. bekkur kl. 12:00 Þegar komið er í skóla aftur verður matur samkvæmt venju og eftir það er skóladeginum lokið nema að valgreinar hjá 8. bekk verða skv. stundaskrá.  Nemendur í 1.-3. bekk fara heim eða í Frístund kl. 12:15.

Mánudaginn 21. mars verður kannað meðal nemenda hverjir eiga búnað og hverjir þurfi að fá lánað.  Nemendur í 1.-3. bekk geta því miður ekki fengið lánaðan búnað en er velkomið að hafa með sinn eigin búnað eða snjóþotur og sleða.

Útbúnaður:

• Skíði, bretti, snjóþotur, þoturassar, svartir plastpokar og sleðar eru leyfðir til fararinnar.
• Hjálmar eru afar æskilegir.
• Mikilvægt er að nemendur séu vel klæddir og í vel merktum fatnaði.
• Ekki gleyma snjóbuxunum, vettlingunum eða húfunni.
• Nesti: nemendur komi sjálfir með hollt og gott nesti. Sjoppa er ekki opin. 

Nemendur fá afhent lyftukort þegar þeir mæta á svæðið. Ef nemendur óska eftir að verða eftir í fjallinu þegar dagskrá lýkur þurfa foreldrar að hafa óskað eftir því við umsjónarkennara eða ritara skólans. Lyftukortin gilda allan daginn en skila þarf lánsbúnaði eða semja um leigu á honum.    Ekki er hægt að bjóða upp á skíðakennslu en við munum aðstoða nemendur eins og kostur er.  

Útivistardagurinn er með öllu gjaldfrjáls fyrir nemendur.

Starfsfólk Naustaskóla