Viðurkenningar skólanefndar afhentar

Laugardaginn 5. júní sl. veitti skólanefnd Akureyrarbæjar í fyrsta sinn viðurkenningar til nokkurra nemenda og starfsmanna, en veiting viðurkenninga með þessum hætti er í samræmi við skólastefnu bæjarins.  Óskað hafði verið eftir tilnefningum frá starfsmönnum, foreldrum og stofnunum, valnefnd fór svo yfir tilnefningarnar og voru að lokum sjö nemendur og átta starfsmenn heiðraðir fyrir framúrskarandi frammistöðu. Meðal þeirra sem hlutu viðurkenningu var Reynir Franz Valsson sem var að ljúka 2. bekk í Naustaskóla.  Við óskum honum og öðrum verðlaunahöfum innilega til hamingju!  Myndir frá afhendingu viðurkenninganna má sjá hér.