Fréttir

Til foreldra og forráðamanna barna í Naustaskóla. Í gær greindist ég með covid 19. Ég er því komin í einangrun og verð frá störfum næstu 14 daga. Samkvæmt ráðleggingum frá sóttvarnaryfirvöldum var búið að hólfa starfsfólk niður í sóttvarnarhólf með sér kaffistofum. Í samráði við sóttvarnalækni fara sjö starfsmenn í sóttkví í dag - allt starfsmenn sem hafa vinnuaðstöðu í stjórnendaálmunni. Þar á meðal er Aðalheiður aðstoðarskólastjóri og Kristjana ritari. Heimir deildarstjóri var í öðru sóttvarnarhólfi innan skólans og er því ekki að fara í sóttkví. Skólastarf helst að öðru leiti óbreytt og fleiri þurfa ekki að fara í sóttkví þar sem ég fór ekkert út úr mínu hólfi í gær og hitti ekki aðra en þá starfsmenn sem fara í sóttkví og enga nemendur. Þessa vikuna sem Kristjana ritari verður í sóttkví biðjum við ykkur að nýta mentor ef skrá þarf veikindi eða biðja um leyfi þessa viku - einnig er hægt að senda tölvupóst á netfang Kristjönu; kristjana@akmennt.is eða senda tölvupóst á umsjónarkennara barnsins. Ef hafa þarf samaband við stjórnendur má senda tölvupóst á Öllu á netfangið allas@akmennt.is og Heimi á netfangið heimirorn@akmennt.is. Símanúmer Öllu er: 8628880 Símanúmer Heimis er: 8626352. Við minnum svo á starfsdaginn á föstudaginn en þann dag er Frístund opin allan daginn. Með von um skilning og gott samstarf á þessum erfiðu covid tímum. Bryndís Björnsdóttir, skólastjóri.

Hér fyrir neðan má sjá tímasetningar á viðveru nemenda eftir árgöngum. Mikilvægt er að þessar tímasetningar séu virtar til þess að lágmarka megi samgang nemenda.  1.- 4. bekkur verður í skólanum frá kl. 8:10 – 12:30. Þau fá að borða í skólanum og þau börn sem eru skráð í Frístund fara þangað þegar skóla líkur. Foreldrar barna í frístund eru beðin um að senda þau með nesti fyrir síðdegishressingu en boðið verður upp á drykki í skólanum.  5. – 7. bekkur. Verður í skólanum frá kl. 8:30 – 12:00. Ekki er hægt að bjóða upp á mat fyrir þennan hóp.  8. – 10. bekkur – verður í fjarkennslu vikuna 4. – 6. nóvember. Ákvörðun um framhald fjarkennslunnar í vikulok.  Frístund er einungis opin fyrir nemendur i 1. – 3. bekk Ekki er hægt að bjóða upp á ávexti í nestistímum og þurfa nemendur því að koma með hollt nesti að heiman. Við munum ekki bjóða upp á hafragraut næstu vikur. Þessar upplýsingar eru vissulega ekki tæmandi og margar spurningar munu eflaust vakna. Við biðjum ykkur að kynna ykkur þessar upplýsingar vel og einnig upplýsingar frá kennurum. Við bendum á að mikilvægt er að fylgjast með tölvupósti og á heimasíðu skólans þar sem allar helstu upplýsingar verða settar inn eftir þörfum. Mögulega verða einhverjar breytingar á skipulagi næstu daga. Við minnum okkur öll á að við gegnum mikilvægu hlutverki í almannavörnum og erum meðvituð í samskiptum og sóttvörnum. Við höfum takmarkað aðgengi að skólanum og bendum foreldrum á að þau mega ekki kom inn í skólabygginguna. Mikilvægt er að tilkynna til skólans veikindi eða ef barn eða fjölskylda fer í sóttkví. Ákveði foreldrar að halda börnum sínum heima eða að nýta ekki Frístund biðjum við um að senda þær upplýsingar til ritara skólans. Við stjórnendur og starfsfólk Naustaskóla erum þakklát fyrir þann stuðning og velvilja sem við höfum fundið fyrir í þessum erfiðu aðstæðum. Á þessum erfiðu tímum er mikilvægt að við tökum höndum saman til þess að tryggja að börnunum líði vel og að þau finni fyrir öryggi. Stjórnendur Naustaskóla.

Fræðsluyfirvöld á Akureyri hafa ákveðið að hafa skipulagsdag mánudaginn 2. nóvember í leik- og grunnskólum, tónlistarskólanum og frístundastarfi vegna hertra sóttvarnaaðgerða stjórnvalda. Þetta er gert svo starfsfólk skólanna fái svigrúm til að endurskipuleggja skólastarfið og tryggja að sóttvarnir verði eins vandaðar og kostur er. Þriðjudaginn 3. nóvember verður viðtalsdagur í Naustaskóla. Miðvikudaginn 4. nóvember verður starf í Naustaskóla samkvæmt breyttu skipulagi og nýrri reglugerð um sóttvarnir í leik- og grunnskólum. Nánari upplýsingar um skólastarfið verða sendar frá skólunum til foreldra og forsjáraðila fyrir dagslok á morgun, mánudag. Stjórnendur Naustaskóla Bryndís, Alla og Heimir.

Vegna fjölgunar covid-smita á Norðurlandi eystra síðustu daga munum við herða sóttvarnir í skólanum. Í því felst grímuskylda meðal starfsfólks þar sem ekki verður viðkomið að halda tveggja metra reglu. Frá og með deginum í dag verður starfsfólkið hólfað meira niður en það sama gildir ekki um nemendur. Samvalsgreinar á unglingastigi falla niður a.m.k. þessa viku. Til og með 26. október verður skólinn lokaður öllum utankomandi aðilum. Ef viðkomandi á brýnt erindi er nauðsynlegt að vera með grímu. Best er að nýta tölvupóstinn og símann til að vera í samskiptum við skólann.

Útivistardagurinn gékk áfallalaust og voru kaldir og blautir en sællegir nemendur ásamt starfsfólki sem komu inn í hlýjuna eftir vel heppnaða útiveru, fjallgöngur, hjólatúra, göngutúra, sull upp á Hömrum og fleira! Hér má sjá nokkrar myndir frá deginum.

Vegna útfarar Evu Bjargar Skúladóttur námsráðgjafa fellum við niður skólahald frá kl. 11:20 fimmtudaginn 27. ágúst. Frístund er einnig lokuð þennan dag.

Í gær lést Eva Björg Skúladóttir námsráðgjafi eftir erfiða baráttu við krabbamein. Hún skilur eftir sig stórt skarð í Naustaskóla og er sárt saknað. Eva hafði einstaklega góða og hlýja nærveru sem hún nýtti vel í samskiptum við nemendur. Hún var mikil fagmanneskja og vann af heilindum og einurð að hagsmunum nemenda í samstarfi við starfsmenn skólans. Hún ásamt fleiri námsráðgjöfum var upphafsmaður að Starfatorgi, þar sem árlega fer fram kynning á starfsgreinum í atvinnulífinu fyrir nemendur í efri bekkjum grunnskólans á Akureyri. Skólasamfélag Naustaskóla syrgir góðan námsráðgjafa, samstarfsmenn skemmtilegan vinnufélaga og góða manneskju. Starfsmenn Naustaskóla senda fjölskyldu Evu innilegar samúðarkveðjur.