Fréttir

Á morgun, föstudaginn 22. nóvember höldum við upp á tíu ára afmæli Naustaskóla. Af því tilefni verður opið hús í skólanum milli kl. 15:00 og 17:00. Verk eftir þemadagana verða til sýnis og nemendur verða með atriði á sviði. Kaffihúsastemming verður í salnum þar sem 10. bekkjar nemendur selja vöfflur fyrir fjáröflun sína. Allir eru velkomnir.

Í tilefni þess að í dag eru 30 ár frá undirritun Barnasáttmála Sameinuðu þjóðanna, birtum við mynd af sameiginlegu verkefni nemenda og starfsfólks. Áherslan var lögð á jákvæð og hvetjandi orð sem lýsa skólastarfinu í Naustaskóla.

Á þemadögunum hafa nemendur og starfsfólk tekið höndum saman og saumað í java falleg og hvetjandi orð í anda jákvæðs aga. Í þessu verkefni eru mörg saumspor þar sem allir nemendur hafa tekið þátt og þessa dagana hefur starfsfólk sést saumandi út á kaffistofunni. Ætlunin er að sauma þessa búta saman og búa til vegglistaverk í íslensku fánalitunum. Verk og listgreinakennarar eiga veg og vanda að þessari hugmynd og útfærslu. Hér má sjá myndir af verkefninu í vinnslu.

Nemendadagurinn var í dag og var að vonum mikið fjör. Byrjað var á íþróttakeppni starfsmanna og nemenda þar sem keppt var í fótbolta, körfubolta og blaki. Gríðarleg barátta var hjá öllum liðum og nemendur hvöttu sitt fólk kröftuglega til dáða. Síðan gæddum við okkur á snúðum og kleinuhringjum sem 10. bekkur seldi til fjáröflunar sinnar og eftir það söfnuðust allir á sal þar sem hæfileikakeppni nemenda fór fram. Ótrúlega mörg atriði voru á sviðinu og nemendur stóðu sig allir frábærlega og sýndu mikinn kjark með því einu að koma fram. Nemendaráð sá svo um kosningu bestu atriða og báru eftirfarandi sigur úr bítum: 1. sæti: Megan Ella Ward dans 2. sæti: Þórunn Birna Kristinsdóttir dans 3. sæti: Jóhann Valur Björnsson píanó.

Kosning í nemendaráð skólans fór fram í gær. Allir frambjóðendur stigu í pontu á sal og héldu sína framboðsræðu og stóðu sig með prýði. Að því loknu var gengið til kosninga og úrslit gerð kunn í dag. Nemendaráð 2019-2020 skipa eftirtaldir: 4. Bekkur – Bjarki Orrason / varafulltrúi Kristdór Helgi Tómasson 5. Bekkur – Veigar Leví Pétursson / varafulltrúi Rannveig Tinna Þorvaldsdóttir 6. Bekkur – Frosti Orrason / varafulltrúi Jóhann Valur Björnsson 7. Bekkur – Mikael Breki Þórðarson / varafulltrúi Rakel Eva Valdimarsdóttir 8. Bekkur – Kristbjörg Eva Magnadóttir / varafulltrúi Jóna Birna Magnadóttir 9. Bekkur – Kimberley Dóra Hjálmarsdóttir / varafulltrúi Selma Sól Ómarsdóttir 10. Bekkur – Telma Ósk Þórhallsdóttir / varafulltrúi Alex Máni Sveinsson