Fréttir

Fréttabréf maímánaðar er komið á vefinn og má nálgast það hér...

Skólanefnd Akureyrarbæjar veitir árlega viðurkenningar þeim einstaklingum og/eða stofnunum sem skarað hafa fram úr í skólastarfi á skólaárinu. Markmiðið er að vekja sérstaka athygli á því sem vel er gert og hvetja þá sem fyrir valinu verða til þess að halda áfram því góða starfi sem þeir eru að vinna og jafnvel gera enn betur. Viðurkenning er einnig staðfesting á að viðkomandi skóli/kennari/nemandi er fyrirmynd annarra á því sviði sem viðurkenning nær til. Nú er komið að því að leita eftir tilnefningum. Allir sem áhuga hafa geta tilnefnt. Frestur til að skila inn tilnefningum er er til 6.maí 2013.  Hægt er að smella hér til að fá nánari upplýsingar og/eða skila inn tilnefningum.

Sl. föstudag sýndi smiðjuhópur nemenda í dansi úr 6.-7. bekk svo kallaðan dvergadans sem vakti mikla lukku og kátinu. Myndbandið er hægt að sjá hér. Svo eru hér eldri dansmyndbönd sem hafa verið gerð í danssmiðju 2010-2011 4.-5. bekkur -  Boom Boom Pow 4.-5. bekkur -  Alors on dance 4.-5. bekkur -  Summerlove  4.-5. bekkur -  Dynamite 6.-7. bekkur -  Club can´t handle me 6.-7. bekkur -  Low 6.-7. bekkur -  One time svo er hér eitt myndband síðan í fyrra - samantekt af öllum hópunum og dönsunum þeirra.

Nú eru smiðjuskil hjá okkur sem þýðir að í vikunni fara nemendur í nýjar verkgreinar sem þeir leggja stund á næstu vikurnar.  Nemendur í 2.-3. bekk sem hafa verið í tónmennt að undanförnu bjuggu til myndband þar sem þau spila og syngja við lagið Þá var trallað.  Smellið hér til að skoða...

Föstudaginn 5. apríl verður haldið „árshátíðarballið 2013“.  Ballið er fyrir nemendur í 7.-10. bekk og hefst kl. 20:30.  Aðgangseyrir er 800 kr.  Nemendur í 7. bekk yfirgefa samkomuna kl. 23:00 en þeir sem eldri eru halda fjörinu áfram til kl. 00:00 :)

Við minnum á að hérna á vefsíðunni má nálgast ýmis gögn sem lúta að mati á starfinu í skólanum okkar.  Síðustu gögnin sem bættust þar við eru niðurstöður læsisprófa í 1. og 2. bekk og svo niðurstöður úr foreldrakönnun Skólapúlsins sem lögð var fyrir á dögunum.  Þar sjáum við í fyrsta sinn birtast mat og viðhorf forelda til starfsins í skólanum, borið saman við niðurstöður í meirihluta grunnskóla landsins, og er afar ánægjulegt að greina frá því að Naustaskóli kemur mjög vel út í þeim samanburði.  Til að nálgast þessi gögn er hægt að smella á "skólinn" í stikunni hér efst á síðunni, og síðan á "matsgögn/skýrslur" eða bara smella hér...

Fréttabréf aprílmánaðar er komið út og má nálgast það hér....

Nú er skóladagatal næsta skólaárs komið á vefinn hjá okkur. Við vekjum þó athygli á því að það er birt með fyrirvara vegna þess að það á eftir að fara fyrir skólanefnd og því ekki útilokað að einhverjar breytingar kunni að verða...  En hægt er að smella hér til að skoða hvernig næsti vetur lítur líklega út :)