11.12.2012
11.-12. desember eru umhyggju- og samvinnudagar hjá okkur. Þá hafa krakkarnir mikið frelsi til að fara vítt og breitt um skólann og velja sér
viðfangsefni eftir áhuga. Að sjálfsögðu er ýmis konar jólastúss fyrirferðarmikið í dagskránni en svo má
líka bregða sér í nudd, baka, smíða, perla, púsla, syngja og margt fleira. Með því að smella hér má sjá margar skemmtilegar myndir sem teknar voru
í skólanum okkar þriðjudaginn 11. desember..
Lesa meira
07.12.2012
Á fundi bæjarstjórnar þann 4. des. sl.
voru samþykktar breytingar á gjaldskrám grunnskóla sem taka gildi 1. janúar nk. Frá þeim tíma verður gjaldskráin sem hér
segir:
Stök máltíð í mötuneyti 501 kr. Hver máltíð í annaráskrift 371 kr.
Áskrift á mjólk 2.650 kr. á önn. Ávaxtaáskrift 6.042 kr. á önn.
Frístund: Skráningargjald (20 klst.) 6.600 kr. en hver klukkustund umfram það kostar 330 kr.
Lesa meira
13.12.2012
Böll fyrir nemendur í 1.-3. og 4.-7. bekk verða haldin fimmtudaginn 13.
desember. Það er 10. bekkur sem heldur böllin og eru þau liður í fjáröflun þeirra vegna væntanlegs útskriftarferðalags.
Tímasetningar eru sem hér segir:
1.-3. bekkur kl. 16:15-17:30
4.-7. bekkur kl. 18:00-19:30
Aðgangseyrir er 300 krónur og sjoppan er opin.
Allir að mæta með jólasveinahúfur :)
Lesa meira
02.12.2012
Fréttabréf desembermánaðar er komið
á síðuna. Smellið hér til að opna..
Lesa meira
21.11.2012
Í haust hefur staðið yfir leit að Grenndargralinu með þátttöku frá nemendum á unglingastigi í grunnskólum Akureyrar (sjá hér). Nú er gripurinn fundinn og það eru tveir nemendur úr 8. bekk Naustaskóla, þær
Heiðrún og Sóley, sem urðu hlutskarpastar í leiknum þetta árið! Það munaði reyndar einungis 15 mínútum á
þeim og næsta liði, þeim Ernu Kristínu og Stefaníu en þær unnu einmitt karamellukrukkuna fyrr á tímabilinu. Við erum
auðvitað rígmontin af þessum nemendum okkar og óskum þeim innilega til hamingju!
Lesa meira
20.11.2012
Gunnar Helgason rithöfundur og leikari kom í heimsókn til okkar og las upp úr nýrri bók sinni. Honum var auðvitað tekið með kostum og
kynjum enda ekki á hverjum degi sem frægt fólk ber að garði. Hér má sjá nokkrar myndir frá heimsókninni...
Lesa meira
07.11.2012
Grunnskólanemum stendur til boða að nálgast átta rafbækur eftir
Þorgrím Þráinsson á rafbókaveitunni emma.is, og lesa eins og þá lystir. Bækurnar
höfða til breiðs hóps lesenda allt frá 1.-10. bekkjar. Hugmyndin með þessari bókagjöf er að hvetja krakka og unglinga til aukins
yndislesturs. Einnig er í gangi "rafkápukeppni" þar sem skólakrökkum gefst kostur á að setjast niður og hanna nýjar bókakápur
á sex af bókum Þorgríms. Nánari upplýsingar má finna á síðunni www.emma.is/rafkapur
Lesa meira
02.11.2012
Hrekkjavökuböllum sem áformuð voru á föstudag verður frestað
til mánudagsins 5. nóvember vegna veðurútlits og framkvæmda í samkomusal.
Semsagt: Mánudaginn 5. nóvember halda nemendur í 7. bekk hrekkjavökuböll til fjáröflunar fyrir væntanlega skólabúðaferð
þeirra í vor. Aðgangseyrir og tímasetningar eru sem hér segir:
1.-3. bekkur kl. 16:00-17:30 - aðgangseyrir 500 kr. (popp og svali innifalið)
4.-7. bekkur kl. 18:00-20:00 - aðgangseyrir 400 kr. (sjoppa opin)
Þetta er fyrsta ballið í nýja salnum okkar - nýtt hljóð- og ljósakerfi - draugahús og spákona!
Lesa meira
30.10.2012
Áreiðanlegar fregnir herma að það sé að
bresta á með nóvember. Af því tilefni er komið út nýtt fréttabréf sem má nálgast hér...
Lesa meira
29.10.2012
Þrjá fimmtudaga í október og nóvember býðst nemendum í 3. og 4. bekk að bregða sér á skauta í boði
Skautafélags Akureyrar. Nú eru tvö skipti búin en síðasta skiptið verður næstkomandi fimmtudag. Það er að
sjálfsögðu misjafnt hversu stöðugir krakkarnir eru á skautunum en allir hafa þó gaman af að spreyta sig enda er leikurinn til þess gerður
að kynna skautana. Hér má sjá myndir frá fimmtudeginum
11. október en þá var fyrsta skautaferð þessara árganga.
Lesa meira
Translate