Fréttir

Við minnum á að föstudagurinn 1. mars er starfsdagur og þá er frí hjá nemendum.  Frístund er opin fyrir hádegi en lokuð frá kl. 12:15.

Góðverkadagar eru haldnir um allt land vikuna 18.-22. febrúar.  Markmið þeirra er að hvetja okkur til afthafna og umhugsunar um að láta gott af okkur leiða, sýna náungakærleik og vináttu, hjálpa öðrum og gera góðverk.  Á síðunni www.godverkin.is er hægt að skrá góðverk og hvetjum við alla til að taka þátt í þessu skemmtilega átaki og láta gott af sér leiða..

Dagana 13.-15. febrúar er vetrarfrí.  Þá eru nemendur í leyfi en Frístund er opin.  Kennsla hefst aftur samkvæmt stundaskrá mánudaginn 18. febrúar.

Mánudaginn 11. febrúar verður ball fyrir 1.-5. bekk í sal Naustaskóla kl. 17:00-18:30.  Aðgangseyrir er 400 kr. og sjoppan er opin!  Allur ágóði rennur í ferðasjóð 10. bekkjar. 

Föstudaginn 8. febrúar 2013 verður opið hús í Naustaskóla frá kl. 9:00-11:00 fyrir forráðamenn og nemendur sem hefja skólagöngu næsta skólaár. Allar upplýsingar um skólaval og umsóknareyðublöð vegna skólavistar má finna á síðum Skóladeildar undir hlekknum: http://www.akureyri.is/skoladeild/skolaval-2013. Við bjóðum alla sem vilja kynna sér skólann velkomna á föstudaginn!

Fréttabréf febrúarmánaðar er komið á vefinn.  Auk matseðils og dagatals mánaðarins er þar t.d. að finna fréttir af legó-liðinu okkar, hæfileikakeppni, innritun nýnema í skólann og margt fleira.  Smellið hér til að opna fréttabréfið...

Nú í febrúar og mars verður boðið upp á foreldranámskeið um "Jákvæðan aga". Námskeiðið verður opið foreldrum barna í Naustaskóla, Naustatjörn, Glerárskóla, Hrafnagilsskóla og Krummakoti og kostar 3.500 kr. pr. þátttakanda. Leiðbeinendur verða fjórir starfsmenn skólanna, sem sótt hafa sér réttindi hjá "Positive Discipline Association" í Bandaríkjunum til að halda námskeið af þessu tagi. Námskeiðið verður haldið í Naustaskóla og mæta þarf í þrjú skipti, þ.e. laugardaginn 23. febrúar kl. 9:00-14:30, þriðjudaginn 5. mars kl. 19:30-21:00og fimmtudaginn 14. mars kl. 19:30-21:00. Á námskeiðinu verður hugmyndafræði stefnunnar miðlað til foreldra og kynntar leiðir til að hagnýta aðferðir jákvæðs aga í uppeldinu heima fyrir, auk þess sem tækifæri gefst fyrir foreldra til að miðla reynslu sinni og skiptast á þekkingu og góðum ráðum. Þeir sem hafa áhuga á að sitja námskeiðið eru beðnir um að skrá sig með því að smella hér og fylla út skráningarformið sem þá birtist.Skráningarfrestur er til 10. febrúar en haft verður samband við þátttakendur með tölvupósti að þeim tíma liðnum. Hámarksfjöldi á námskeiðinu er 25 þátttakendur.