15.03.2012
Árshátíð
Naustaskóla 2012 verður fimmtudaginn 15. mars. Á árshátíðinni verða þrjár sýningar, kl. 15:00, kl. 17:00 og kl. 19:00.
Á milli sýninga verða seldar kaffiveitingar á neðri hæð skólans, verð fyrir fullorðna er 600 kr. en fyrir börn á
grunnskólaaldri 400 kr. - frítt fyrir yngri börn. Athugið að ekki er hægt að greiða með greiðslukortum. Nemendum
hefur verið raðað saman í þrjá hópa þannig að systkini sýni á sömu sýningu, skipan þessara hópa má sjá með því að smella
hér...Allir velkomnir, sjáumst í hátíðarskapi!
Lesa meira
05.03.2012
Í tilefni af 150 ára afmæli
Akureyrar er efnt til ljóðasamkeppni í leik- og grunnskólum bæjarins. Yfirskrift ljóðasamkeppninnar er Akureyri, brosandi bær.
Þátttakendur eru allir leik- og grunnskólanemendur og veitt verða verðlaun fyrir besta ljóðið eftir nemanda í leikskóla, besta
ljóðið eftir nemanda í 1.- 5. bekk og besta ljóðið eftir nemanda í 6. – 10. bekk. Fjögurra manna dómnefnd velur
verðlaunaljóðin. Verðalaunaafhending verður 16. maí. Ljóðin sem berast í samkeppnina munu verða birt hér og þar um
bæinn á afmælisárinu. Ljóðin mega ekki hafa birst annarsstaðar og áskilur bærinn sér rétt til birtingar án
endurgjalds. Í Naustaskóla höfum við dálitla forkeppni og munum sjálf velja ljóð til þátttöku í aðalkeppninni, og
til birtingar á heimasíðu, fréttabréfi o.s.frv. Ljóðum skal skilað til umsjónarkennara eða Karls
tónmenntakennara fyrir 26. mars.
Lesa meira
04.03.2012
Þá er fréttabréf marsmánaðar
komið á vefinn og má nálgast það hér...
Lesa meira
28.02.2012
Laugardaginn 3. mars verður Dagur
tónlistarskólanna haldinn hátíðlegur í Hofi með hljóðfærakynningu og fjölda tónleika. Kl. 11:00 verður
hljóðfærakynning í Hamraborg , að henni lokinni verður spennandi ratleikur um Hof og eru glæsileg verðlaun fyrir
vinningshafa.
Kl. 11.45 – 14:00 verða kennslustofur opnar , þá er tilvalið tækifæri til að kynna sér hljóðfæri og lífið í
Tónlistarskólanum, fá að prófa mismunandi hljóðfæri. Grunnskólanemendur 1. – 4. bekkja eru hvattir til að mæta með
foreldrum. Nánari upplýsingar um aðra viðburði dagsins eru á http://www.tonak.is/
Tónlistarskólinn á Akureyri
Lesa meira
26.02.2012
Naustaskóli kom við sögu í síðasta þætti af Landanum í Ríkissjónvarpinu. Þar var skólaþróun til
umfjöllunar og var af því tilefni leitað til Miðstöðvar skólaþróunar við Háskólann á Akureyri og til Naustaskóla
með efnistök og viðmælendur. Sjá má þennan þátt af
Landanum með því að smella hér...
Lesa meira
23.02.2012
Nemendur í 7. bekk hafa í vetur unnið að því hörðum höndum að æfa sig í upplestri og framsögn. Hápunktur
þessarar vinnu var þegar haldin var Upplestrarkeppni 7. bekkjar þar sem nemendur fluttu texta og ljóð fyrir framan dómnefnd og áhorfendur. Krakkarnir
stóðu sig auðvitað öll frábærlega en það voru þau Ugla, Elvar og Enóla sem þóttu skara fram úr að þessu
sinni. Þau hljóta því þann heiður að verða fulltrúar Naustaskóla í Stóru upplestrarkeppninni á Akureyri sem fram
fer þann 7. mars nk. Smellið hér til að
sjá nokkrar myndir frá keppninni..
Lesa meira
22.02.2012
Það er töluvert teflt í Frístund og um daginn settu krakkarnir og starfsfólkið á fót stórskemmtilegt skákmót þar sem
margir efnilegir skákmenn reyndu með sér. Að lokum fór svo að hann Baldur í 3. bekk fagnaði sigri og hlaut hann titilinn "Skákmeistari
Frístundar 2011-2012". Í næstu sætum voru svo þeir Almar og Daníel. Á myndinni hér til hliðar má sjá þá
félagana en til að sjá örlítið fleiri myndir má
smella hér.
Lesa meira
21.02.2012
Krakkaskak.is er nýr vefur fyrir börn og unglinga sem vilja kynnast skáklistinni og vilja mennta sig
í henni. Þar kennir ýmissa grasa fyrir utan skák eins og til dæmis litabók með taflmönnum. Þá eru teiknimyndakeppnir,
kennslumyndbönd í skák og fleira skemmtilegt. Einnig er hægt að skrá sig í krakkaskáklið og tefla við önnur börn í
rauntíma. Vefurinn er alveg frír og er rekinn áfram á styrkjum og frjálsum framlögum. Þeir sem standa að kennslunni eru Siguringi
Sigurjónsson og Henrik Danielsen stórmeistari í skák. Á vefnum verða haldin skákmót og eins eru alltaf teiknimyndakeppnir í hverjum
mánuði sem fyrir eru veitt góð verðlaun. Smellið hér til að skoða vefinn..
Lesa meira
18.02.2012
Góðverkadagar eru haldnir um allt land vikuna
20.-24. febrúar. Markmið þeirra er að hvetja okkur til afthafna og umhugsunar um að láta gott af okkur leiða, sýna náungakærleik og
vináttu, hjálpa öðrum og gera góðverk. Á síðunni www.godverkin.is er hægt að
skrá góðverk og hvetjum við alla til að taka þátt í þessu skemmtilega átaki og láta gott af sér leiða..
Lesa meira
14.02.2012
PMT foreldranámskeið fyrir foreldra barna með
ofvirkni og/eða athyglisbrest hefst í mars nk. Meginmarkmið námskeiðsins er að kenna raunprófaðar og hagnýtar uppeldisaðferðir sem
stuðla að jákvæðri hegðun barns og draga úr hegðunarvanda. Um er að ræða átta vikna námskeið foreldrahópa, einu sinni
í viku. Sótt er um á tilvísanablöðum sem hægt er að nálgast í skólum bæjarins eða hjá skólateymi
Fjölskyldudeildar. Nánari upplýsingar gefur Þuríður á Skóladeild Akureyrarbæjar í síma 460-1417 eða
netfanginu thuridur@akureyri.is
Lesa meira
Translate