Fréttir

Samhliða afgreiðslu fjárhagsáætlunar hefur bæjarstjórn samþykkt breytingar á gjaldskrá mötuneyta og Frístunda sem taka gildi frá og með 1. janúar 2012.  Gjaldskráin verður sem hér segir: Skólavistun (Frístund):Skráningargjald 6.280 kr. (innifalið 20 klst vistun) Hver klukkustund eftir fyrstu 20 klst: 314 kr. Síðdegishressing pr. dag: 112 kr. Mötuneyti:Stök máltíð: 473 kr. máltíðin Annaráskrift: 350 kr. máltíðin Annaráskrift á mjólk: 2.500 kr. Annaráskrift á ávöxtum: 5.700 kr.

Mennta- og menningarmálaráðuneytið hefur nú gefið út reglugerð um "ábyrgð og skyldur aðila skólasamfélagsins í grunnskólum" en þar er m.a. kveðið á um gerð og innihald skólareglna.  Reglugerðina má nálgast hér...

Litlu jólin í Naustaskóla verða þriðjudaginn 20. desember. Að þeim loknum fara nemendur í jólafrí. Á litlu jólunum mæta nemendur sem hér segir: 1., 4., 5., 8. og 9. bekkur kl. 8:30-10:00 2., 3., 6., og 7. bekkur kl. 10:00-11:30Frístund verður opin á litlujóladaginn fyrir þá nemendur sem þar eru skráðir og eins virka daga í jólaleyfinu. Skólastarf að loknu jólaleyfi hefst miðvikudaginn 4. janúar með viðtalsdegi þar sem allir foreldrar og nemendur verða boðaðir í viðtal til umsjónarkennara. Viðtalstímar verða birtir og sendir út milli jóla og nýárs. 

Frá og með áramótum hefur verið ákveðið að hafa sama matseðilinn í öllum leik- og grunnskólum Akureyrarbæjar. Megin markmiðið með þessari breytingu er að tryggja það að öll skólabörn fái hollan og næringarríkan hádegisverð. Matseðillinn mun rúlla í 7 vikur og verður sýnilegur á heimasíðum skólanna. Hægt verður að skoða matseðilinn fyrir hvern dag og sjá innihaldslýsingu hans og einnig útreiknuð  næringargildi hans sem unnin hafa verið af sérfræðingum.  Akureyrarbær hefur gert samning við birgja er annast sölu á kjötvörum, fiski og ávöxtum og grænmeti. Ákveðin krafa var gerð um gæði vörunnar og verður fylgst með að gæðin standist kröfurnar. Samið hefur verið við sérfræðinga um eftirlit með gæðum hráefnisins.                                                                                                 Skóladeild Akureyrar

Fréttabréf með dagskrá og matseðli desembermánaðar er nú komið út og er aðgengilegt hér....

Þar sem desember hefur nú hafið innreið sína er tilvalið að telja niður til jólanna. Á vefnum er að finna tvö skemmtileg jóladagatöl.  Það er annars vegar jóladagatal Námsgagnastofnunar þar sem finna má nýjar og skemmtilegar stærðfræðiþrautir á hverjum degi.  SJÁ HÉR.   Og svo er það dagatal Umferðarstofu þar sem hægt er að skila inn lausnum á umferðartengdum þrautum, og komast með því í pott þar sem einstaklingar eða bekkir geta unnið bíómiða og pizzuveislur..  SJÁ HÉR.