28.10.2011
Fyrir þá sem hafa áhuga
á að kynna sér stjörnuskoðun bendum við á stórskemmtilegan vef sem má finna á http://www.stjornufraedi.is/. Þeir sem vilja rjúka beint út í stjörnuskoðun ættu að grípa með sér stjörnukort nóvembermánaðar sem má finna hér eða stjörnukort fjölskyldunnar fyrir nóvember - desember sem má finna hér.
Góða skemmtun!
Lesa meira
27.10.2011
Nú eru komnar inn myndir frá gönguferð á Súlur fyrr í haust. Þetta var ferð sem nokkrir ofurhugar tóku sér fyrir hendur
á útivistardegi, og tókst hið besta þrátt fyrir heldur kuldalegt veður og lítið útsýni á toppnum. En það voru
stoltir fjallgöngumenn sem komu heim að lokinni göngunni og nú er semsagt hægt að skoða myndir og ylja sér við minningarnar.. Smellið hér.
Lesa meira
25.10.2011
Félagsmiðstöðin Trója sér um opin hús í
Naustaskóla, vikulega fyrir 8.-9. bekk en mánaðarlega fyrir 4.-7. bekk. Nú eru dagskrár félagsmiðstöðvarinnar komnar hér á
vefinn og má nálgast þær á síðu félagsmiðstöðvarinnar eða
hér:
Dagskrá fram að áramótum fyrir 8.-9. bekk
Dagskrá vetrarins fyrir 6.-7. bekk
Dagskrá vetrarins fyrir 4.-5. bekk
Lesa meira
28.10.2011
Föstudaginn 28. október halda nemendur
í 7. bekk hrekkjavökuböll til fjáröflunar fyrir væntanlega skólabúðaferð þeirra í vor. Aðgangseyrir er 400 kr. og
tímasetningar eru sem hér segir:
1.-3. bekkur kl. 17:00-19:00
4.-9. bekkur kl. 19:30-21:30
Með von um að sjá sem flesta!!
Lesa meira
17.10.2011
Nú ber svo við að það eru
laus þrjú störf við skólann okkar. Um er að ræða tvö skólaliðastörf og svo starf umsjónarmanns
(húsvarðar). 55% skólaliðastarf er með umsóknarfresti til 21. október, 93% skólaliðastarf er með umsóknarfresti til 28.
október og fullt starf umsjónarmanns er með umsóknarfresti til 3. nóvember. Allar umsóknir þurfa að fara í gegnum umsóknavef
Akureyrarbæjar og þar er einnig að finna nánari upplýsingar um hæfniskröfur o.fl. Smellið hér til að opna umsóknavefinn...
Lesa meira
16.10.2011
Nemendur í valáföngum í heimilisfræði í 8.-9. bekk breyttu efri hæð skólans í bráðskemmtilegt veitingahús
á dögunum og buðu aðstandendum sínum í veislumáltíð þar sem krakkarnir elduðu og þjónuðu til borðs.
Veitingahúsið hlaut nafnið "Nausta-Café" og fékk það sérdeilis góða dóma hjá ánægðum matargestum.
Sjá má nokkrar myndir frá veitingahúsarekstrinum með því að smella hér....
Lesa meira
06.10.2011
Einn góðviðrisdaginn í haust skelltu nemendur og kennarar í 6.-7. bekk sér út og örkuðu upp í Naustaborgir þar sem unnið var
að ýmis konar náttúrufræðitengdum verkefnum. Þau söfnuðu t.d. ýmsum sýnum sem voru svo rannsökuð nánar
þegar komið var heim í skóla. Smellið hér til
að sjá nokkrar myndir frá þessum góða degi..
Lesa meira
06.10.2011
Þjálfun í samskiptum,
tilfinningastjórn og athygli barna með ADHDFjölskyldudeild Akureyrarbæjar býður börnum með ADHD að taka þátt í
námskeiði til að efla færni á ýmsum sviðum. Námskeiðið er fyrir börn fædd árið 2002 og 2003 og eru 6 börn í
hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta
athyglisgetu þeirra. Hópurinn hittist tvisvar í viku 2 tíma í senn, í 5 vikur (10 skipti alls) með tveimur þjálfurum. Nánari upplýsingar er að finna hér....
Lesa meira
05.10.2011
Tveir nemenda okkar, þær Kolfreyja og Ágústa í 6. bekk, eru stundum að dunda sér við að semja lög og texta og Karl tónmenntakennari
hefur aðstoðað þær við upptöku á lagasmíðunum. Stelpurnar voru í viðtali í þættinum Leynifélaginu sem er
stórskemmtilegur barna- og unglingaþáttur á Rás 1 og er sendur út alla virka daga nema fimmtudaga kl. 20:00. Smellið hér til að heyra þáttinn...
Lesa meira
04.10.2011
Ingvar Sigurgeirsson prófessor við Háskóla Íslands, hefur líklega fylgst með fleiri kennslustundum en nokkur annar Íslendingur. Kennslustundir sem
hann hefur fylgst með eru áreiðanlega vel á annað þúsund og ná til tuga skóla, allra skólastiga og fjölmargra námsgreina.
Ingvar hóf að fylgjast með kennslu snemma á áttunda áratugnum í tengslum við námsstjórn og tilraunakennslu. Á árunum 1987
til 1988 fylgdist hann með kennslu í um eitt þúsund kennslustundum á miðstigi grunnskóla í tengslum við rannsóknir á notkun
námsefnis og áhrifum þess á kennsluhætti. Undanfarin ár hefur Ingvar tekið þátt í rannsókn á starfsháttum í
tuttugu grunnskólum sem hafa leitt hann inn í fjölda kennslustunda. Á netinu er nú að finna fyrirlestur þar sem Ingvar leitast við að
bregða upp svipmyndum af minnisstæðum kennslustundum úr þessum reynslubanka og tengja þær hugmyndum um góða kennslu. Hægt er að
fylgjast með fyrirlestrinum hér
Lesa meira
Translate