Fréttir

Nú eru drög að skóladagatali næsta árs komin á vefinn hjá okkur.  Þau eru birt með fyrirvara um breytingar enda eiga skóladagatöl grunn- og leikskóla eftir að fara fyrir skólanefnd til afgreiðslu.   Smellið hér til að skoða dagatalið...

Nú hefur Umferðarstofa sett af stað páskaþraut sem finna má á vefnum www.umferd.is. Þegar smellt er á þrautina opnast gluggi með fjórum spurningum. Með því að svara þessu spurningum rétt getur sá hinn sami átt möguleika á að vinna sér inn bíómiða frá Senu sem rekur m.a. Smárabíó og Borgarbíó Akureyri (opnir miðar). Dregið verður úr réttum svörum eftir páska og fá hinir heppnu bíómiðana senda heim. Líkt og í jóladagatali Umferðarstofu þá snúa spurningarnar í þrautinni að umferðaröryggi.

Mennta- og menningarmálaráðuneytið hefur nú birt endurskoðuð drög að almennum hluta aðalnámskrár grunnskóla á vefsvæði sínu  sjá hér. 

Lausar eru til umsóknar 3 stöður kennara við Naustaskóla frá 1. ágúst 2011. Leitað er að einstaklingum með mikinn metnað, sem sýnt hafa árangur í störfum sínum og leggja áherslu á vellíðan og árangur nemenda í samstarfi við aðra starfsmenn og stjórnendur skólans.  Umsóknarfrestur er til 3. maí nk.  Allar umsóknir þurfa að fara í gegnum umsóknavef Akureyrarbæjar, smellið hér til að opna umsóknavefinn.

Í dag, 5. apríl, voru opnuð tilboð í uppsteypu og utanhúsfrágang II. áfanga við Naustaskóla. Kostnaðaráætlun hljóðaði upp á kr. 502.813.489. Alls bárust 7 tilboð í verkið. Lægsta tilboð fyrir yfirferð átti Hamarsfell ehf. sem var kr. 448.432.052 eða um 89,2% af kostnaðaráætlun. Niðurstöðurnar má sjá HÉR.

Fréttabréf aprílmánaðar er nú aðgengilegt hér...

Margir voru gabbaðir í tilefni 1. apríl í Naustaskóla.  Allflestir nemendur skólans létu glepjast af tilkynningum um "páskaeggjaleit" og var mikið leitað á skólalóðinni í hádeginu.  Starfsmenn féllu sumir fyrir fundarboði sem þeir fengu í tölvupósti og var einnig birt á heimasíðu skólans en þar var að finna svohljóðandi tilkynningu: "Fram eru komnar mjög róttækar hugmyndir um sameiningu Naustaskóla, Naustatjarnar og Kjarnalundar, sem miða að því að búa til algjörlega einstaka stofnun á landsvísu í tilraunaskyni.  Þessar hugmyndir ganga út á mun meiri aldursblöndun en við höfum áður reynt, þar sem allt starf í stofnuninni mun fara fram í aldursblönduðum hópum með mjög breiðu bili, þar sem hugmyndin er að hinir eldri annist og fræði hina yngri - og öfugt, auk þess sem ætlunin er að ná fram gríðarlegum sparnaði í starfsmannahaldi.  Af þessu tilefni er boðað til kynningarfundar í Naustaskóla föstudaginn 1. apríl kl. 15:00 á sal skólans. Til fundarins mæta fulltrúar bæjarstjórnar og ráðgjafafyrirtækisins pWC sem hefur unnið að útfærslu tillagnanna. Allir velkomnir!"

Foreldraverðlaun Heimilis og skóla – landssamtaka foreldra, verða afhent í 16. sinn við athöfn í  Þjóðmenningarhúsinu þriðjudaginn 24. maí næstkomandi.   Óskað er eftir tilnefningum til Foreldraverðlauna 2011 frá einstaklingum, félögum eða hópum sem vilja vekja athygli á vel unnum verkefnum, sem stuðla að eflingu á skólastarfi og jákvæðu samstarfi heimila, skóla og samfélagsins.  Með afhendingu verðlaunanna er vakin eftirtekt á því fjölbreytta starfi sem fer fram innan leik- grunn- og framhaldsskóla og stuðlar að því að efla jákvætt og öflugt samstarf heimila, skóla og samfélagsins.   Fólk er hvatt til að líta eftir og tilnefna verðug verkefni í sínu nærumhverfi.  Tilnefningar sendist á rafrænan hátt með því að fylla út eyðublað á heimasíðu Heimilis og skóla www.heimiliogskoli.is. Síðasti skiladagur tilnefninga er fimmtudagur 28. apríl 2011.  Nánari upplýsingar um Foreldraverðlaunin er að finna á heimasíðu samtakanna www.heimiliogskoli.is. Einnig eru veittar upplýsingar á skrifstofu samtakanna í síma 516 0100.