28.03.2011
Þann 23. mars var útivistardagur hjá okkur í Naustaskóla og allir nemendur skólans skelltu sér upp í Hlíðarfjall og renndu sér
af mikilli list. Dagurinn tókst vel enda var veðrið hreint prýðilegt. Nemendur okkar voru til hreinnar fyrirmyndar og ljóst að það er margt
um hæfileikamanninn á þessu sviði meðal nemenda og starfsmanna Naustaskóla. Smellið hér til að sjá nokkrar myndir úr fjallinu..
Lesa meira
25.03.2011
Lokahátíð Stóru upplestrarkeppninnar 2011 var haldin miðvikudaginn 23. mars síðastliðinn. Keppnin var haldin í sal Menntaskólans
að viðstöddu fjölmenni. Þarna voru mættir til leiks fulltrúar 7. bekkinga úr öllum grunnskólunum á Akureyri. Fyrir hönd
Naustaskóla kepptu þeir Magnús Geir og Jakob Gísli en keppendur voru alls 17 í ár og stóðu þeir sig allir með miklum
sóma. Sigurvegarar þetta árið voru Fannar Már Jóhannsson nemandi í Lundarskóla í 1. sæti, Kristrún
Jóhannesdóttir Síðuskóla í 2. sæti og Urður Andradóttir úr Lundarskóla 3. sæti. Smellið hér til að sjá myndir frá hátíðinni..
Lesa meira
23.03.2011
Miðvikudaginn 23. mars 2011 er
áætlað að allur skólinn fari í Hlíðarfjall til að njóta samveru og útiveru. Þeim nemendum sem ekki geta farið í
fjallið af einhverjum ástæðum verður boðið upp á afþreyingu í skólanum. Nemendur mæta eins og venjulega kl. 8:10
Farið verður frá skólanum sem hér segir: 4.-8 bekkur kl. 08:20 en 1.-3. bekkur kl. 09:00
Lagt verður af stað úr Hlíðarfjalli sem hér segir:1. – 3. bekkur kl. 11:20 en 4.-8. bekkur kl. 12:00
Þegar komið er í skóla aftur verður matur samkvæmt venju og eftir það er skóladeginum lokið nema að valgreinar hjá 8. bekk
verða skv. stundaskrá. Nemendur í 1.-3. bekk fara heim eða í Frístund kl. 12:15.
Lesa meira
16.03.2011
Þann 16. mars héldum við Stóru upplestrarkeppnina í 7. bekk Naustaskóla. Þar spreyttu nemendur 7. bekkjar sig á upplestri á
sögu og ljóðum við hátíðlega athöfn frammi fyrir áheyrendum og dómnefnd. Stóðu sig allir með prýði en að lokum
voru þeir Trausti og Jakob valdir sem fulltrúar skólans í lokakeppninni sem haldin verður í MA þann 23. mars. Benni og Magnús urðu fyrir
valinu sem varamenn. Smellið hér til að sjá myndir frá
keppninni..
Lesa meira
09.03.2011
ADHD samtökin ætla að
halda námskeið fyrir foreldra barna og unglinga með ADHD á laugardögum í mars- og aprílmánuði. Fyrsta námskeiðið er laugardaginn 12.
mars. Námskeiðin eru haldin í Reykjavík en einnig í gegnum fjarfundabúnað í Háskólanum á Akureyri ef næg
þátttaka fæst. Nánari upplýsingar má fá á vefsíðu ADHD samtakanna http://www.adhd.is/ eða með því að smella hér fyrir neðan:
Upplýsingar um námskeið
fyrir foreldra 6-12 ára barnaUpplýsingar um námskeið fyrir foreldra 13-18 ára unglinga
Lesa meira
02.03.2011
Fréttabréf marsmánaðar er komið
út. Smellið hér til að opna fréttabréfið...
Lesa meira
01.03.2011
Árshátíð skólans var haldin 24. febrúar sl. og tókst svona líka glimrandi vel. Nær allir nemendur skólans stigu á stokk
og létu ljós sitt skína í hinum ýmsu uppfærslum. 1. bekkur sýndi leikrit um Bakkabræður, 2. og 3. bekkur sýndi leikrit sem byggt
var á bókinni Í Unugötu, 4.-5. bekkur gerðu landnáminu skil, 6.-7. bekkur settu upp Ávaxtakörfuna og 8. bekkur sýndi frumsamið
sakamálaleikrit. Hér má sjá myndir frá
árshátíðinni...
Lesa meira
24.02.2011
Mánudaginn 28. febrúar er starfsdagur,
þá er frí hjá nemendum og Frístund er lokuð fyrir hádegi. Þriðjudaginn 1. mars er hins vegar viðtalsdagur, þá mæta
nemendur og foreldrar í viðtal til kennara. Smellið hér til að opna skjal
þar sem sjá má tímasetningar viðtala og hvaða kennara viðtölin eru skráð á. Ef viðtalstími hentar ekki af einhverjum
orsökum má hafa samband við ritara skólans eða umsjónarkennara og við reynum að finna nýjan tíma.
Lesa meira
23.02.2011
Fasteignir Akureyrarbæjar
óska eftir tilboðum í uppsteypu og utanhúsfrágang á öðrum áfanga Naustaskóla. Áfanginn mun hýsa
heimasvæði unglingastigs, verkgreinastofur, starfsmannarými, miðrými/sal, anddyri, bókasafn, félagsaðstöðu nemenda og
íþróttahús. Byggingin telur um 3.900 m², gert er ráð fyrir að fyrri hluta framkvæmdanna verði lokið í desember 2011 (uppsteypa
á verkgreina- og unglingastigsálmu) en verkinu verði að fullu lokið í ágúst 2012. Sjá nánar hér..
Lesa meira
23.02.2011
Í tilefni af degi tónlistarskólanna verður Tónlistarskólinn á Akureyri með opið hús í Hofi laugardaginn 26. febrúar. Boðið verður upp á brot af því besta sem á sér stað innan veggja skólans og er markmiðið að aðstandendur, nemendur, kennarar og allir þeir sem hafa áhuga á starfinu geti átt ánægjulega stund saman, sér að kostnaðarlausu. Dagurinn er tilvalið tækifæri fyrir þá sem hafa áhuga á námi við skólann til að kynna sér hvað stendur til boða.
Lesa meira
Translate