Fréttir

Þjálfun í samskiptum, tilfinningastjórn og athygli barna með ADHDFjölskyldudeild Akureyrarbæjar býður börnum með ADHD að taka þátt í námskeiði til að efla færni á ýmsum sviðum. Námskeiðið er fyrir börn fædd árið 2002 og 2003 og eru 6 börn í hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 2 tíma í senn, í 5 vikur (10 skipti alls) með tveimur þjálfurum. Umsóknarfrestur er til 16. febrúar. Nánari upplýsingar er að finna hér....

Fréttabréf og matseðil febrúarmánaðar má nú finna hér á vefnum.  Smellið hér...

Fulltrúar okkar í spurningakeppni grunnskólanna á Norðurlandi, þau Kristófer, Odda og Pétur, stóðu sig frábærlega, komust alla leið í úrslit í keppninni og urðu í öðru sæti!  Í riðlakeppninni unnu þau lið bæði Brekkuskóla og Hrafnagilsskóla, í undanúrslitum lögðu þau lið Síðuskóla en í sjálfri úrslitaviðureigninni töpuðu þau fyrir Dalvíkingum.  Sannarlega glæsilegur árangur hjá krökkunum sem eru náttúrulega öll í 9. bekk. 

Miðvikudaginn 8.febrúar verður haldinn kynningarfundur um val á grunnskóla. Fundurinn verður í sal Brekkuskóla og er frá kl.20.00 til kl.22.00 Sjá nánar dagskrá fundarins Grunnskólarnir verða með opið hús kl. 09:00-11:00 fyrir foreldra eftirtalda daga í febrúar: Miðvikudaginn 8. febrúar - Lundarskóli Föstudaginn 10. febrúar - Brekkuskóli og Giljaskóli Þriðjudaginn 14. febrúar - Oddeyrarskóli Miðvikudaginn 15. febrúar - Naustaskóli Fimmtudaginn 16. febrúar - Glerárskóli Föstudaginn 17. febrúar - Síðuskóli Foreldrar barna sem fædd eru árið 2006 eru hvattir til að mæta! SKÓLAVAL 2012 bæklingurinn 

Við minnum á að á vefsíðunni http://www.saft.is/ er að finna ýmsar gagnlegar ábendingar fyrir foreldra varðandi tölvu- og netnotkun.  Þar er meðal annars að finna leiðbeiningar um hvernig foreldrar geta stillt tölvur heimilisins til að stýra notkun barnanna hvað varðar leikjanotkun, vefskoðun og tölvunotkunina yfirleitt.  Sjá hér..... 

Nemendur í 4.-5. bekk bjuggu til og tóku upp sín eigin lög í tónmennt fyrir áramótin.  Þetta eru hinar athyglisverðustu tónsmíðar og má hlýða á lögin á síðunni http://www.soundcloud.com/naustaskoli.

Fyrsta fréttabréf ársins er nú komið út og má nálgast það hér...  

Um áramótin kom til framkvæmda breyting á skólamatseðlum leik- og grunnskóla bæjarins. Um tilraunaverkefni er að ræða þar sem ákveðið var að hafa sama matseðil í öllum skólunum. Meginmarkmiðið með þessari breytingu er að tryggja að öllum skólabörnum standi til boða hollur og næringarríkur hádegisverður. Matseðillinn nær yfir sjö vikur í senn og er hann aðgengilegur hér á heimasíðunni undir hlekknum skólinn/mötuneyti.  Þar er hægt að skoða matseðilinn fyrir hvern dag en einnig að sjá innihaldslýsingu máltíða og þegar fram líða stundir verður hægt að sjá útreiknað næringargildi matarins. Matseðlarnir og innihaldslýsingarnar hafa verið unnar af sérfræðingum.

Skólastarf að loknu jólaleyfi hefst með viðtölum nemenda, foreldra og umsjónarkennara miðvikudaginn 4. janúar.  Viðtalstíma má sjá hér.   Kennsla hefst svo samkvæmt stundaskrá fimmtudaginn 5. janúar.  Gleðilegt nýtt ár!