Fréttir

Bæjarráð samþykkti á fundi nú fyrir helgina að hækka gjald fyrir síðdegishressingu í Frístund í 100 kr. pr skipti frá og með 24. ágúst sl. en gjaldið var áður 61 kr.

Foreldrum hefur nú verið sendur tölvupóstur með nokkrum hagnýtum atriðum varðandi skólabyrjunina. Sjá nánar hér að neðan..

Kennsla hefst hjá 1.-3. bekk kl. 8:15 miðvikudaginn 26. ágúst. Hjá 4.-7. bekk hefst kennsla degi síðar, kl. 8:15 fimmtudaginn 27. ágúst.  Frestunin hjá 4.-7. bekk kemur til vegna seinkunar framkvæmda en öruggt er að á fimmtudag verði allt til reiðu svo að við getum tekið vel á móti öllum okkar nemendum! Við biðjumst velvirðingar á seinkuninni, vonum að hún valdi ekki miklum óþægindum og að fall sé fararheill :)

Því miður seinkaði gervigrasinu á völlinn okkar enn eina ferðina, en vonir standa til að gras verði lagt á völlinn á þriðjudag og miðvikudag þannig að síðdegis miðvikudaginn 26. ágúst verði hægt að fara í fótbolta á vellinum... Uppfært 25/8: Enn frekari seinkun; fótbolti á föstudagskvöld :(

/*  /*]]>*/ Hlutverk heilsugæslu í skólum er að sinna heilsuvernd nemenda. Þetta er gert með reglubundnum skimunum og eftirliti, fræðslu og teymisvinnu kringum einstaka mál.  Heilsugæsla í skólum er framhald ung- og smábarnaverndar. Starfsemi skólaheilsugæslu er skv. lögum, reglugerðum og tilmælum er um hana gilda. Hún er meðal annars fólgin í reglulegum heilsufarsathugunum, ónæmisaðgerðum, heilbrigðisfræðslu og ráðgjöf til nemenda, foreldra og starfsfólks skólans.  Hver skóli hefur skólahjúkrunarfræðing og skólalækni jafnframt því sem hvert barn hefur sinn heimilislækni. Heilsugæslu í grunnskólum Akureyrar er sinnt af  hjúkrunarfræðingum og læknum frá Heilsugæslustöðinni á Akureyri.   Hjúkrunarfræðingur Naustaskóla  er  Ingibjörg Ingimundardóttir.

Sóttvarnarlæknir hefur gefið út svohljóðandi upplýsingar fyrir foreldra og forráðamenn vegna yfirvofandi inflúensufaraldurs: Heimsfaraldur inflúensu A(H1N1)v sem ríður yfir um þessar mundir er tiltölulega vægur og skapar því ekki forsendur fyrir skorðum við skólahaldi. Skólastarf á að geta hafist með eðlilegum hætti næstu daga og vikur þrátt fyrir heimsfaraldur inflúensunnar. En seinna þegar faraldurinn er í hámarki getur þurft að taka afstöðu til þess hvort tilteknir skólar geti haldið áfram starfi vegna mikilla fjarvista nemanda og/eða kennara. Skólastjórnendur vinna í samvinnu við menntamálaráðuneyti að samræmdri viðbragðsáætlun vegna inflúensufaraldurs sem stuðlar að samræmdum aðgerðum skóla um allt land.