Fréttir

Á aðalfundi Foreldrafélags Naustatjarnar þriðjudaginn 22. september klukkan 18:00, mun sálfræðingurinn Alice Harpa Björgvinsdóttir halda fyrirlesturinn: Gaman saman: Mikilvægi jákvæðs hugarfars. Þessi fyrirlestur er einnig opinn foreldrum nemenda við Naustaskóla. Fundurinn verður í húsnæði Naustaskóla. Endilega notið tækifærið og kíkið á skemmtilegt og fræðandi erindi..

Föstudagurinn 17. sept. verður útivistardagur hjá okkur, enda prýðileg veðurspá. Þá verðum við meira og minna úti við (nema að sjálfsögðu 4. og 7. bekkur sem eru í samræmdum prófum - við reynum að bæta þeim það upp seinna :) Þó að spáin sé góð er skynsamlegt að allir komi bærilega klæddir og vel skóaðir. Þeir sem vanir eru að hafa með sér nesti gera það eins og venjulega en þeir sem eru í ávaxtaáskrift fá ávextina þangað sem þeir verða staddir. Á mánudaginn (21. september) ætlum við svo að hafa Norræna skólahlaupið eftir hádegið, þá þurfa krakkarnir líka að koma vel skóuð og klædd eftir veðri. Við gerum ráð fyrir að allir nemendur verði búnir í skólanum um 13:40 þann dag.

Merkingar á gangbrautum í kringum skólann hafa tafist vegna bilunar á tækjabúnaði en þær verða væntanlega málaðar nú fyrir helgina.  Unnið er að því að setja upp gangbrautamerki í nágrenni skólans og auknar hraðatakmörkunarmerkingar verða settar upp á næstu vikum. Varðandi aðrar framkvæmdir í nágrenni skólans má nefna að í undirbúningi er malbikun á stíg sem liggur frá Skálatúni í átt að skólanum og verið er að skoða að malbika gangstétt sunnan við Lækjartún frá Mýrartúni að Kjarnagötu og vestan við fyrirhuguð bílastæði skólans frá Lækjartúni að innkeyrslu við skólann.

Breytingar hafa orðið á tímasetningum vegna námskeiða sem haldin eru í Rósenborg á vegum Tómstundastarfa í grunnskólum. Brjóstsykursnámskeið 1  verður dagana 28.09 og 30.09 brjóstsykursnámskeið 2  verður dagana  05.10 og 07.10 og byrja bæði námskeiðin kl. 15 og eru til kl. 16.30 Mósaik námskeiðið verður svo 28.09.- 07.10.  4 skipti kl. 17:00 - 18:30 Hægt er að senda skráningar á ritara skólans gudrunhuld@akmennt.is eða beint inná matartorg.is Hér er hægt að nálgast bæklinginn yfir öll námskeið tómstundastarfsins

Mánudaginn 28. september kl. 15:00 býðst öllum foreldrum grunnskólabarna að koma á fyrirlestur um forvarnir gegn kynferðislegu ofbeldi. Fyrirlesarar eru Sigríður Björnsdóttir og Ingólfur Vilhelmsson hjá Blátt áfram Tími: 1½ klst. með umræðum  Staðsetning: Brekkuskóli

Samkvæmt tilmælum Landlæknisembættisins er skólum gert að búa til viðbragðsáætlanir vegna hugsanlegs inflúensufaraldurs.  Viðbragðsáætlun Naustaskóla má sjá hér.

Komið er út fréttabréf skólans fyrir september.  Smellið hér...