Fréttir

Nú hefur verið gengið til kosninga og úrslit liggja fyrir.  Það voru sannarlega glæsilegir fulltrúar nemenda í framboði og sérstaklega gaman að sjá fulltrúa nemenda stíga á svið og kynna framboð sín. En nú liggja úrslit fyrir og ljóst að nemendaráð Naustaskóla skólaárið 2014-2015 verður þannig skipað:  10. bekkur: Signý Rós Ólafsdóttir (formaður) og Sylvía Sól Guðmundsdóttir (varamaður er Indíra Jónasdóttir) 9. bekkur: Birgir Freyr Magnason (varamaður er Freyr Jónsson) 8. bekkur: Brynjólfur Skúlason (varamaður er Ólafur Anton Gunnarsson) 7. bekkur: Íris Orradóttir (varamaður er Sigurður Bogi Ólafsson) 6. bekkur: Agnar Daníel Ásmundsson (varamaður er Jóna Margrét Arnarsdóttir) 5. bekkur: Alex Máni Sveinsson (varamaður er Aron Ísak Hjálmarsson) 4. bekkur: Viktor Sigurðarson (varamaður er Selma Sól Ómarsdóttir)  

Nú er baráttan fyrir nemendaráðskosningarnar að ná hámarki og áróðursplakötin farin að birtast í matsal skólans eins og vera ber..  Hér má sjá hverjir eru í framboði þetta árið, og hér má sjá sýnishorn af áróðrinum...

Naustaskóli tekur þátt í verkefninu Göngum í skólann. Verkefnið hefst formlega 10.september og lýkur með alþjóðlega "Göngum í skólann deginum" miðvikudaginn 8. október. Markmið verkefnisins eru að hvetja börn til að tileinka sér virkan ferðamáta í og úr skóla og auka færni þeirra til að ferðast á öruggan hátt í umferðinni.  Nemendur í skólanum verða beðnir um að merkja við hvernig þeir ferðast í skólann og einnig verðum við með svæðaskipan af hverfinu þannig að við sjáum hve langt hver og einn býr frá skólanum. Svæðin verða merkt í 4 liti; gulan, rauðan, grænan og bláan. Börnin merkja við á hvaða svæði þau búa og hvernig þau ferðast í skólann. Íþróttakennari mun síðan vinna úr þeim upplýsingum og setja fram til að allir geti séð. Einnig mun verða smá keppni á milli námshópa um hverjir séu duglegastir að labba í skólann. Síðasta daginn í þessu verkefni sem er 8.október verður tilkynnt um sigurvegara skólans í þessari keppni. Nánari upplýsingar um verkefnið Göngum í skólann má nálgast á vefslóðinni http://www.gongumiskolann.is

Dagana 8.-11. september, verða morgunfundir fyrir foreldra í 2.-10. bekk Þar er um að ræða kynningu fyrir foreldra á starfi barnanna í skólanum o.fl. auk þess sem tækifæri gefast til umræðna og fyrirspurna. Fundirnir verða kl. 8:10- 9:10 að morgni, nemendur mæta einnig á sama tíma og venjulega þessa daga nema nemendur í 8.-10. bekk sem fá að sofa örlítið lengur þann 11. sept. Fundirnir verða sem hér segir: 2.-3. bekkur þri. 9. september kl. 8:10 4.-5. bekkur mán. 8. september kl. 8:10 6.-7. bekkur mið. 10. september kl. 8:10 8.-10. bekkur fim. 11. september kl. 8:10 (nemendur í 8.-10. bekk mæti þann dag kl. 9:15) Mikilvægt er að fulltrúar frá öllum nemendum mæti á fundina!

Skólafærninámskeið fyrir foreldra nýnema í Naustaskóla verður haldið þriðjudaginn 2. september kl. 17:30-20:00.  Námskeið af þessu tagi eru haldin árlega fyrir foreldra nýnema en markmiðið með þeim er að fræða foreldra um skólann okkar og grunnskólakerfið almennt.  Dagskrá þess verður sem hér segir: Að byrja í grunnskóla - hvað þýðir það fyrir börnin okkar? Grunnskólakerfið á Íslandi - yfirlit og upplýsingar Naustaskóli / starfshættir / agastefna / kennsluaðferðir o.fl. Samskipti heimila og skóla / upplýsingamiðlun - mentorkerfið o.fl. Foreldrafélag / skólaráð / stoðþjónusta Ætlast er til að fulltrúar nemenda í 1. bekk mæti á námskeiðið en aðrir eru að sjálfsögðu einnig velkomnir. Boðið verður upp á barnagæslu meðan á námskeiði stendur og léttan málsverð fyrir þátttakendur og börn.

Fréttabréf septembermánaðar er nú komið út og má nálgast það hér...

Föstudagurinn 29. ágúst er útivistardagur hjá okkur í Naustaskóla.  Þá skiptast nemendur í hina ýmsu hópa og njóta útivistar í góða veðrinu.. Skóli hefst á sama tíma og venjulega, kl. 8:10 en nemendur koma til baka í skólann um kl. 11:30-13:00 eftir því hvaða hóp þeir velja sér, fá sér hádegismat og fara síðan heim eða í Frístund.   Hér má sjá yfirlit yfir viðfangsefni dagsins og hvernig hópar eru skipaðir.  Við minnum nemendur á að mæta vel klæddir og skóaðir!