Fréttir

Mikið af fatnaði hefur verið skilið eftir í skólanum við skólalok í vor og viljum við biðja foreldra og nemendur um að koma og skoða yfir snagana hjá okkur hvort þið eigið eitthvað. Hér eru reiðhjólahjálmar, snjóbuxur, íþróttafatnaður, töskur, peysur og margt fleira sem óskast sótt. Allur þessi fatnaður fer annars á Rauða Krossinn næsta þriðjudag 19. ágúst. Hér er hægt að sjá sýnishorn af því sem skilið hefur verið eftir.

Nú er komið dáítið af myndum inn á síðuna okkar frá þemadögunum þetta vorið.  Vorþemað þetta árið var skipulagt þannig að annan daginn fóru nemendur í Kjarnaskóg en hinn daginn unnu þeir í aldursblönduðum hópum í stöðvavinnu þar sem afar margt var brallað.  Smellið hér til að sjá myndinar..

Nemendur í 4.-5. bekk hafa að undanförnu unnið að stórskemmtilegu verkefni sem felst m.a. í að búa til eins konar bíla úr kössum, fernum o.fl., bílarnir eru síðan látnir ganga fyrir mismunandi aflgjöfum eins og sjálfu þyngdaraflinu, blöðrum og rafmagnshreyflum.  Þessu fylgja síðan hinar ýmsu athuganir og útreikningar auðvitað!  Hér má sjá nokkrar myndir frá verkefninu..  

Þriðjudaginn 13. maí kl. 17.00 boðaði skólanefnd Akureyrarbæjar til samkomu í Menningarhúsinu Hofi, þar sem nemendum, kennurum og starfsmönnum við skóla Akureyrarbæjar voru veittar viðurkenningar fyrir að hafa skarað fram úr á einhvern hátt. Þetta er í fimmta sinn sem skólanefnd stendur fyrir samkomu sem þessari en hún er í samræmi við áherslur í skólastefnu Akureyrarbæjar. Óskað var eftir tilnefningum um nemendur og starfsmenn eða verkefni sem talin voru hafa skarað fram úr í skólastarfi. Einn nemandi úr Naustaskóla fékk verðskuldaða viðurkenningu en það var Brynjólfur Skúlason 7. bekk sem hlaut viðurkenningu fyrir virkni í félagsstarfi, frumkvæði, listsköpun og tjáningu.  Hér má sjá meiri umfjöllun um viðurkenningarnar og hér eru nokkrar myndir.