Fréttir

Sumarnámskeiðið Sumarlestur – Akureyri bærinn minn er haldið í júní ár hvert og verður svo einnig á komandi sumri og verður það 14. skiptið. Að námskeiðinu standa Amtsbókasafnið og Minjasafnið á Akureyri í samstarfi við aðrar menningarstofnanir bæjarins. Í ár standa námskeiðin í fjóra daga í vikur frá kl. 9-12. Námskeiðin eru 10.-13.júní, 16-20.júní (frí 17.júní) og 23.-26.júní Sumarlestur er lestrarhvetjandi námskeið fyrir börn í 3. og 4. bekk, með áherslu á menningu og sögu Akureyrar. Rauði þráður námskeiðsins er lestur. Þá er bæði átt við bóklestur en einnig læsi á umhverfið. Lesið verður í minjar og sögu, list og náttúru. Þannig er lesið í lífið og tilveruna alla námskeiðsdagana og jafnvel lengur því vonandi fylgir börnunum áfram sú meðvitund sem vaknar varðandi umhverfi þeirra og sögu. Undir leiðsögn safnfræðslufulltrúa kynnast börnin starfsemi Amtsbókasafnsins, Minjasafnsins og annarra menningarstofnanna. Börnin kynnast starfseminni sem þarna fer fram í samhengi við markmið námskeiðisins. Námskeiðin verða kynnt í maí í grunnskólum og kynningarefni vegna þeirra dreift. Skráning hefst 26.maí, Sé frekari upplýsinga óskað má hafa samband við safnfræðslufulltrúa safnannaRagna Gestsdóttir á Minjasafninu á Akureyri á netfanginu ragna@minjasafnid.is Herdís Anna Friðfinnsdóttir á Amtsbókasafninu á netfanginu herdisf@akureyri.is

Nú er skóladagatal næsta vetrar komið á vefinn hjá okkur og má nálgast það hér...

Mánudaginn 26. maí ætlum við að bjóða tilvonandi nemendum 1. bekkjar ásamt forráðamönnum þeirra í heimsókn til að hitta verðandi kennara og kynna sér skólann.  Öllum forráðamönnum innritaðra barna í árgangi 2008 ætti nú að hafa borist svohljóðandi tölvupóstur:

Við í Naustaskóla erum að vinna að því að verða skóli á grænni grein sem er alþjóðlegt verkefni, til að auka umhverfismennt og styrkja umhverfisstefnu í skólum okkar. Þeir skólar sem vilja komast á græna grein í umhverfismálum leitast við að stíga "skrefin sjö" en það eru ákveðin verkefni sem efla vitund nemenda, kennara og annarra starfsmanna skólans um umhverfismál. Verkefnin eru bæði til kennslu og til að bæta daglegan rekstur skólans. Þegar því marki er náð fá skólarnir leyfi til að flagga Grænfánanum næstu tvö ár en sú viðurkenning fæst endurnýjuð ef skólarnir halda áfram góðu starfi. Grænfáninn er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum. Okkur langar að eignast táknmynd fyrir verkefnið okkar og ætlum því að leita til nemenda skólans og standa fyrir samkeppni um Umhverfisveru Naustaskóla.Samkeppninni er skipt í þrjá hluta: 1. Teikning af umhverfisverunni 2. Nafn á umhverfisveruna 3. Slagorð fyrir umhverfisátak Naustaskóla Vegleg verðlaun verða veitt fyrir alla þrjá flokkana á Vorhátíð skólans þann 28. maí næstkomandi. Skilafrestur er til 23. maí til umsjónarkennara.

Áætluð heimkoma Kiðagilsferðalanga er klukkan 14.00 í dag við Naustaskóla

Nú er maífréttabréfið komið út og má nálgast það hér...

Þann 1. maí heldur UFA árlegt grunnskólahlaup sitt en félagið hefur haldið 1. maí hlaupið allt frá fyrstu starfsárum sínum. Hlaupið er keppni á milli grunnskóla þar sem keppt er um hlutfallslega þátttöku og sá skóli sem sigrar hlýtur veglegan bikar. Í skólakeppninni geta krakkarnir valið um að hlaupa 2 eða 5 km. og 5 km hlaupið er einnig opið öðrum keppendum.

Félagsmiðstöðin Trója heldur úti öflugri starfsemi í Naustaskóla og Rósenborg.  Opin hús fyrir 8.-10. bekk eru í Naustaskóla á þriðjudögum kl. 19:30-21:30 en auk þess eru opin hús fyrir 5.-7. bekk í Naustaskóla að jafnaði 2. miðvikudag í mánuði kl. 14:30-16:00. Með því að smella á hlekkina hér á eftir má nálgast dagskrá Tróju fyrir aprílmánuð, og fréttabréf félagsmiðstöðvarinnar. Fréttabréf Tróju Dagskrá aprílmánaðar