Fréttir

Opinn fundur foreldra grunnskólabarna á Akureyri um tölvunotkun, haldinn á vegum Samtaka - svæðisráðs foreldra grunnskólabarna á Akureyri. Fundurinn er haldinn í Brekkuskóla þann 24. mars kl. 20:00. Framsögumenn:Guðjón Hreinn Hauksson, foreldri Gunnar Svanbergsson, sjúkraþjálfari Anna Elísa Hreiðarsdóttir og Eygló Björnsdóttir lektorar við Háskólann á Akureyri Bergþóra Þórhallsdóttir aðstoðarskólastjóri Brekkuskóla Eftir hlé munu framsögumenn ásamt Grétu Kristjánsdóttur forvarnarfulltrúa og Sigrúnu Sveinbjörnsdóttur sálfræðingi taka þátt í umræðum með foreldrum.

/* /*]]>*/ „Einelti á vinnustöðum, heimilum og skólum og sjálfsvíg, forvarnir og sorg.  "(Suicide Prevention and Grief and Bullying in Workplace, Home and School"). Laugardagur 20. Mars kl. 12.00 – 15.30 í Síðuskóla Skráning á fyrirlestur í gegnum netfangið jericoakureyri@gmail.com Sr. Tony Byrne og systir Kathleen Maguire ætla að miðla okkur af þekkingu sinni og fræða um sína reynslu í þeirra starfi. Þau sinna námskeiðshaldi og fyrirlestrum sem snúa að uppbyggingu einstaklingsins og fjölskyldunnar. Fyrst og fremst reyna þau að gera fólk meðvitaðra um vandamálin sem við er að glíma og kenna hvernig best er að fást við vandamálin og horfast í augu við þau. Tony og Kathleen eiga áratuga langa reynslu að baki í starfi sínu og hafa víða farið. Nú bjóða þau okkur að deila með þeim því sem þeim er að gagnast best.

Þriðjudaginn 16. mars er áætlað að allur skólinn fari í Hlíðarfjall til að njóta samveru og útiveru. Þeim nemendum sem ekki geta farið í fjallið af einhverjum ástæðum verður boðið upp á afþreyingu í skólanum. Nemendur mæta eins og venjulega kl.8.10. Farið verður frá skólanum sem hér segir: 5. - 6.– 7. bekkur kl. 08:30 3. – 4. bekkur kl. 09:00 1. – 2. bekkur kl. 09:15 Lagt verður af stað úr heim úr Hlíðarfjalli sem hér segir: 1.–2. bekkur kl. 11:10 3.–4. bekkur kl. 11: 30 5.–6.-7. bekkur kl. 11:40 Þegar komið er í skóla aftur verður matur samkvæmt venju og eftir það fara nemendur heim eða í Frístund. Útbúnaður: Þeir sem eiga skíði eða bretti taki slíkt með. Snjóþotur, svartir plastpokar og snjósleðar eru leyfðir til fararinnar. Hjálmar eru æskilegir en hægt að fá þá lánaða í Fjallinu. Skíðaeign nemenda hefur verið könnuð og munu þeir sem ekki eiga skíðabúnað eða bretti geta fengið slíkt lánað endurgjaldslaust. Mikilvægt er að nemendur séu vel klæddir og í vel merktum fatnaði. Ekki gleyma snjóbuxunum, vettlingunum eða húfunni. Nesti: nemendur komi sjálfir með hollt og gott nesti. Ekki er hægt að bjóða upp á skíðakennslu en við munum aðstoða nemendur eins og kostur er.

Bólusett verður við svínainflúensu í Naustaskóla föstudaginn 19. mars nk. Það eru skólahjúkrunarfræðingur og læknir sem annast bólusetninguna.   Foreldrar þurfa að láta vita með tölvupósti til skólahjúkrunarfræðings:  a) Ef búið er að bólusetja barnið b) Ef ekki á að bólusetja barnið. Ef enginn tölvupóstur berst er gert ráð fyrir að bólusetning sé samþykkt. Mikilvægt er að muna eftir að taka fram nafn og kennitölu nemandans þegar póstur er sendur, netfang Ingibjargar skólahjúkrunarfræðings er isi@akmennt.is

Fréttabréf marsmánaðar er komið út.  Smellið hér til að skoða fréttabréfið...

Nemendur í 2.-3. bekk eru enn með hugann við fortíðina og vinna margskonar verkefni um gamla tímann og íslenska þjóðhætti í hinum ýmsu myndum.  Þau hafa undanfarið skreytt svæðið sitt með fornu mánaðarheitunum, myndarlegum torfbæ o.fl. sem gaman er að skoða og foreldrar geta barið augum á árshátíðinni okkar.  Hér má sjá nokkrar myndir frá þessari vinnu.