Fréttir

Nú erum við að gera fyrstu tilraunir okkar með að halda skólaþing.  Þau fara þannig fram að nemendur skiptast í hópa til að ræða ákveðin málefni, kynna svo niðurstöður og skiptast á skoðunum.  Krakkarnir í 4.-7. bekk eru að ræða um hvernig reglur þau vilja hafa í skólanum og hugmyndin er að á endanum verði til skólareglur sem allir hafa átt þátt í að búa til.  Hér má sjá nokkrar myndir frá umræðum í hópunum.

Þann 16. febrúar fengum við í heimsókn til okkar mann að nafni Jóhann Breiðfjörð.  Hann hafði meðferðis u.þ.b. 100 kg af legókubbum og hélt stutt námskeið fyrir nemendur í 4.-7. bekk þar sem þau fengu að reyna sig við skemmtilega hluti eins og að nota tannhjól, gíra, mótora o.fl. auk þess sem þau prófuðu vélmenni sem samsett er úr legóbúnaði. Við erum dálítið áhugasöm um þau tækifæri sem tæknilegó býður upp á til skemmtunar og lærdóms í leiðinni og erum að reyna að safna okkur upp dálitlum stofni af kubbum, bæði venjulegum kubbum, tannhjólum, mótorum o.s.frv. og höfum reyndar fengið stórgóðar gjafir frá áhugasömum foreldrum og nemendum undanfarið. Bestu þakkir fyrir það!   Smellið hér til að sjá myndir frá vinnu nemenda í 6.-7. bekkjar með legóið.

Nemendur 2.-3. bekkjar eru að kynna sér fortíðina þessa dagana og fræðast um hvernig hlutirnir voru í gamla daga.  Af því tilefni skelltu þau sér í heimsókn á Minjasafnið í síðustu viku og sáu og prófuðu ýmislegt skemmtilegt þar.  Smellið til að sjá myndirnar...

Innritun nemenda fyrir næsta vetur er nú hafin og er frestur til innritunar til 26. febrúar. Kynningarfundur vegna vals um grunnskóla verður haldinn miðvikudaginn 10. febrúar kl. 20:00-22:00 í sal Lundarskóla. Þar flytja stjórnendur grunnskólanna á Akureyri stuttar kynningar á sínum skólum og tækifæri gefst til fyrirspurna.  Foreldrar barna sem fædd eru árið 2004 eru hvattir til að mæta! Skólarnir verða svo með opið hús kl. 09:00-11:00 fyrir foreldra eftirtalda daga í febrúar: Fimmtudaginn 11. febrúar - Glerárskóli og Lundarskóli Mánudaginn 15. febrúar - Oddeyrarskóli, Brekkuskóli og Giljaskóli Þriðjudaginn 16. febrúar - Síðuskóli og Naustaskóli Hér má nálgast bækling með upplýsingum um skólana og hér má finna umsóknareyðublöð og form til rafrænna umsókna.

Á þriðjudaginn sl., 2. febrúar týndist Canon myndavél. Hún er  í eigu Hildar Pétursdóttur, móðir Thelmu Daggar í 1. bekk og eru myndir af Thelmu inni á vélinni. Talið er að hún hafi gleymst í fataklefanum. Ef þið finnið hana megið þið koma henni til ritara skólans.  

Ágætu foreldrar, Nú styttist í að litlar kynjaverur birtist snemma að morgni á götum bæjarins í öllum regnbogans litum. Öskudagurinn, dagur litadýrðar og gleði er 17. febrúar nk. Minjasafnið á Akureyri, Punkturinn og Grasrót – Iðngarðar ætla að bjóða öllum foreldrum á Akureyri að taka þátt í saumakompu sem starfrækt verður í Zontasalnum Aðalstræti 54 A   laugardaginn 13. febrúar frá kl. 10 – 16. Þar fá foreldrar tækifæri til þess að koma saman og sauma eða breyta fötum fyrir Öskudaginn. Á sama tíma verður trésmíðaverkstæðið í Iðngörðum á Hjalteyragötu 20 (gamli Slippurinn) opið fyrir þá sem þurfa smíða í tilefni af öskudegi og verða smiðir þar öllum til aðstoðar.