Fréttir

Amtsbókasafnið stendur fyrir lestrarátaki fyrir 6-12 ára krakka í sumar sem við hvetjum auðvitað alla til að taka þátt í!   Átakið er í gangi á Amtsbókasafninu frá 7. júní - 27. ágúst.  Það sem þarf að gera til að vera með er að "skoppa" á bókasafnið, velja sér bók og fá afhentan þátttökumiða, lesa bókina og fylla út þátttökumiðann, skila honum í þar til gerðan kassa, velja aðra bók og fá annan miða...  Hægt er að fá þátttökumiða með hverri bók sem tekin er og því fleiri miðum sem skilað er, þeim mun meiri möguleikar eru á að vera dreginn út í happdrætti í lok sumarsins.  Uppskeruhátíð verður svo haldin 4. september.

Um daginn tókum við þátt í verkefni með UNICEF (Barnahjálp Sameinuðu þjóðanna) sem fólst í því að nemendur söfnuðu áheitum gegn því að vera dugleg að hreyfa sig einn dagpart.  Það er skemmst frá því að segja að allt tókst þetta afskaplega vel og krakkarnir voru bæði dugleg að safna og hreyfa sig. Var niðurstaðan sú að rúmlega 130.000 kr. söfnuðust og renna þeir fjármunir að sjálfsögðu til UNICEF hreyfingarinnar til að bæta lífskjör barna úti í heimi. Þar getur fjárhæð af þessu tagi gert ótrúlega stóra hluti og mega nemendur okkar sannarlega vera stoltir af framlagi sínu þetta árið. Upplýsingar um UNICEF á Íslandi má nálgast hér.

Skóladagatal næsta vetrar er nú komið á vefinn og má nálgast það hér..

Við Naustaskóla er laust til umsóknar starf skólaliða frá og með næsta hausti.  Starf skólaliða er fjölbreytt og felur í sér gæslu og aðstoð við nemendur í starfi og leik á vegum skólans, störf í Frístund (síðdegisgæslu), við matarafgreiðslu, ræstingar o.fl. Leitað er að aðila sem: Hefur áhuga á og reynslu af að starfa með börnum og á auðvelt með samskipti við börn. Hefur til að bera góða samskiptahæfni. Getur unnið sjálfstætt og sýnt frumkvæði. Hefur áhuga á að taka þátt í mótun nýs skóla og er tilbúinn til að taka að sér fjölbreytt verkefni.

Skólastarfi á þessu fyrsta starfsári Naustaskóla verður slitið föstudaginn 4. júní.  Allir nemendur mæta kl. 13:00 á sín heimasvæði, hitta umsjónarkennara, taka á móti námsmati, skólastjóri segir nokkur orð og svo halda nemendur út í sumarið.  Foreldrar eru að sjálfsögðu einnig hjartanlega velkomnir á skólaslitin.

Út er komið fréttabréf júnímánaðar. Meðal efnis er dagskrá vorhátíðar, skóladagatal næsta vetrar o.fl.  Smellið hér til að opna fréttabréfið..

/* /*]]>*/ /* /*]]>*/ Vorhátíð Naustaskóla og Naustahverfis verður haldin fimmtudaginn 3. júní og hefst kl. 16:15 með "brekkusöng" í Naustaborgum. Afþreying í boði í Naustaborgum kl. 16:15-18:00 Þrautabraut Andlitsmálning Stultur, kastveggur o.fl. Trúðar Naustahverfismót í Kubbi Boccia Leikir Sápukúlublástur Flugdrekar Grillaðar pylsur Opið hús í Naustaskóla frá kl. 17:30 Kaffihús á neðri hæð skólans Kaffi / safi / mjólk og vöfflur Fullorðnir 300 kr. 6-16 ára 200 kr. Tombóla – 50 kr. miðinn Föndurborð Spákona Draugahús Sýningar á verkum nemenda   Söngvakeppni foreldra og barna (feðgar/mæðgur/feðgin/mæðgin) í sal skólans kl. 18:00 - Foreldrar og börn á öllum aldri geta skráð sig til keppni (það er einfaldlega gert með því að finna lag sem báðir aðilar kunna,  og mæta á æfingu í skólanum einhvern tímann milli 17:00 og 18:00) Ball fyrir nemendur í 1.-3. bekk kl. 18:30-19:45 (200 kr. aðgangseyrir) Ball fyrir nemendur í 4.-7. bekk kl. 20:00-22:00 (200 kr. aðgangseyrir)